ج س ن الۋ رەسەيلىكتەرگە قانداي مۇمكىندىك بەرەدى
ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەملەكەتتىك قىزمەتتەر كوميتەتىنىڭ ءتوراعاسى داۋلەت بەكمانوۆتىڭ ايتۋىنشا، رەسەيلىكتەردىڭ كوبى حالىققا قىزمەت كورسەتۋ ورتالىقتارىندا بانك شوتتارىن اشۋ ءۇشىن ج س ن الۋ كەزەگىندە تۇر.
«ج س ن ەكى ماسەلە ءۇشىن بەرىلەدى. كوبىنەسە شەتەلدىكتەر بانك شوتىن اشۋ ءۇشىن ج س ن راسىمدەيدى. مەنىڭ ويىمشا ول ازاماتتاردىڭ ءبارى شوت اشۋ ءۇشىن ج س ن راسىمدەپ جاتىر.
ج س ن ءبىر رەت بەرىلەدى. كەلگەن سايىن راسىمدەۋگە مىندەتتى ەمەس. بۇل بىزگە دە ىڭعايلى. ياعني ءبىر شەتەلدىك قايتا كەلگەندە ج س ن ارقىلى كورىپ وتىرامىز»، - دەدى داۋلەت بەكمانوۆ.
ال «ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ۆيتسە-ءمينيسترى اسەت تۇرىسوۆتىڭ ايتۋىنشا، ج س ن- ءى بار شەتەلدىكتەردى اكىمشىلىك جاۋاپكەرشىلىككە تارتۋ پروتسەسى جەڭىلىرەك جۇرەدى.
«مەنىڭ قوسا كەتكىم كەلەدى، شەتەلدىكتەر قۇقىقتىق اياسىندا بولۋى ءۇشىن اكىمشىلىك جاۋاپكەرشىلىككە تارتۋى ءۇشىن دە ج س ن قاجەت. وسىنى دا ەسكەرۋ كەرەك»، - دەدى ءمينيستردىڭ ورىنباسارى.
سونداي-اق ول اسكەردەن قاشقان رەسەيلىكتەردىڭ حالىققا قىزمەت كورسەتۋ ورتالىقتارىنداعى ارەكەتى تۋرالى مالىمەت بەردى.
«قازىرگى تاڭدا قانداي دا ءبىر جانجال شىعارۋ فاكتىلەرى تىركەلگەن جوق. ونداي بولمايدى دەپ ۇمىتتەنەمىن»، - دەدى ول.
