تۇركىستان وبلىسىنداعى اۋىلدا بىردە-ءبىر قىلمىس تىركەلمەگەن

تۇركىستان وبلىسىندا جىل باسىنان بەرى ءبىر دە ءبىر قىلمىس تىركەلمەگەن، سوڭعى 5 جىلدا اجىراسۋ مۇلدەم ورىن الماعان اۋىل بار. بۇل جەتىساي اۋدانىنداعى ماقتالى اۋىل اكىمشىلىگىندە ورنالاسقان - المالى اۋىلى. سوڭعى 6 جىلدان بەرى ىشىمدىك، تەمەكى سياقتى زياندى دۇنيەلەردىڭ دۇكەن سورەلەرىندە ساتىلماۋى - اۋىلدىڭ بەرەكەسىن كىرگىزىپ وتىر. تيىسىنشە وسى ۋاقىت ارالىعىندا مۇندا اجىراسۋ جايتتارى بولماعان. ءبىر دە ءبىر قىلمىستىق قۇقىق بۇزۋشىلىق، ياعني ۇرلىق جايتتارى ورىن الماعان.

ەڭ باستىسى مىڭنان استام شاڭىراق تۇرعىندارى تىنىش ۇيىقتايدى. بۇل اۋىلدىڭ ايرانداي ۇيىپ وتىرۋىنا يلياس جابايەۆ، مۇحيت جۇمابەكوۆ، ساپارحان كايپوۆ اتتى ۋچاسكەلىك پوليتسيا ينسپەكتورلارىنىڭ ەڭبەگى زور. اۋىلدىڭ قاي تۇرعىنىن اڭگىمەگە تارتساڭىز، ءتارتىپ ساقشىلارىنىڭ كاسىبي شەبەرلىگىن، ەڭبەكقورلىعىن، ىستەگەن جۇمىسىن تىزبەكتەي جونەلەدى.

اۋىلدىڭ بەتكە ۇستار قارتتارىنىڭ ايتۋىنشا، پوليتسەيلەر كۇندەلىكتى جەرگىلىكتى جۇرتشىلىقتىڭ جاعدايىن ءبىلىپ، ءۇيدى-ءۇي ارالاپ وتىرادى. ءتارتىپتى قاداعالاپ، ەلدىڭ قورعانى دەگەن اتقا ساي قىزمەت ەتەدى. وسىنداي قاداعالاۋ مەن باقىلاۋدىڭ ارقاسىندا جاستار جامان ادەتتەردەن بويلارىن اۋلاق ۇستايدى. ناتيجەسىندە ۇلكەندەردى سىيلاپ، ىنتىماعى جاراسىپ وتىرعان جايى بار.

دەرەككوز: Polisia.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى