ەلگە كەلگەن شەتەلدىكتەر تۋرالى ۋاقتىلى حابارلاماعاندارعا قانداي جازا بار
بۇل تۋرالى ق ر ءى ءى م كوشى- قون كوميتەتى ءتوراعاسىنىڭ مىندەتىن اتقارۋشى اسلان اتالىقوۆ ايتتى، دەپ حابارلايدى قازاقپارات ءتىلشىسى.
«كەلۋشىلەر تۋرالى ۋاقىتىلى حابار بەرمەگەندەرگە زاڭمەن اكىمشىلىك جاۋاپكەرشىلىك كوزدەلگەن. اكىمشىلىك قۇقىق بۇزۋ تۋرالى كودەكستىڭ 518-بابى بار. وندا جەكە تۇلعالارعا ەسكەرتۋ، لاۋازىمدى تۇلعالارعا، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا 10 ايلىق ەسەپتىك كورسەتكىش كولەمىندە ايىپپۇل قاراستىرىلعان. ورتا كاسىپكەرلىك سۋبەكتىلەرىنە – 15، ءىرى كاسىپكەرلىك سۋبەكتىلەرىنە - 20 ا ە ك مولشەرىندە ايىپپۇل سالىنادى»، - دەدى اسلان اتالىقوۆ ءى ءى م باسپا ءسوز قىزمەتىندەگى بريفينگ بارىسىندا.
ونىڭ دەرەگىنشە، وسى جىلدىڭ باسىنان بەرى كەلگەن شەتەلدىكتەر تۋرالى دەر ۋاقىتىندا حابارلاماعانى ءۇشىن 17533 قابىلداۋشى ادام اكىمشىلىك جاۋاپكەرشىلىككە تارتىلدى.
