ەلدىڭ كەي وڭىرلەرىندە كۇن سالقىنداپ، قار ارالاس جاڭبىر جاۋۋى ىقتيمىل - قازگيدرومەت
قازاقستان تەرريتورياسىنىڭ باسىم بولىگىنىڭ اۋا رايىن سولتۇستىك باتىس تسيكلونى جانە ونىمەن بايلانىستى اتموسفەرالىق فرونتالدى بولىكتەر انىقتايدى، ونىڭ اسەرىنەن جاڭبىر، سولتۇستىكتە قاتتى جاڭبىر، تۇندە سولتۇستىكتە جاۋىن- شاشىن (جاڭبىردىڭ سوڭى قارعا ۇلاسادى) كۇتىلەدى.
قازاقستاننىڭ قالعان اۋماعى جوعارى قىسىم ايماعىندا بولعاندىقتان جاۋىن- شاشىنسىز اۋا رايى كۇتىلەدى. رەسپۋبليكا بويىنشا كەي جەرلەردە نايزاعاي، جەلدىڭ كۇشەيۋى، وڭتۇستىكتە، وڭتۇستىك- باتىستا شاڭدى داۋىل، سولتۇستىكتە، سولتۇستىك- باتىستا بۇرشاق كۇتىلەدى.
قوستاناي وبلىسىنىڭ سولتۇستىگىندە، كۇندىز سولتۇستىك قازاقستان وبلىسىنىڭ سولتۇستىگىندە قاتتى جاڭبىر كۇتىلەدى.
جامبىل، قاراعاندى، تۇركىستان، قىزىلوردا وبلىستارىنىڭ باسىم بولىگىندە، پاۆلودار وبلىسىنىڭ ورتالىعىندا، اباي وبلىسىنىڭ سولتۇستىك- باتىسىندا، سولتۇستىگىندە، شىعىسىندا توتەنشە ءورت قاۋپى ساقتالادى، اتىراۋ وبلىسىنىڭ وڭتۇستىگىندە، جەتىسۋ وبلىسىنىڭ وڭتۇستىك- باتىسىندا توتەنشە ءورت قاۋپى كۇتىلەدى.
الماتى وبلىسىنىڭ باسىم بولىگىندە جوعارى ءورت قاۋپى ساقتالادى.
