الماتى وبلىسىندا كاماز جۇرگىزۋشىسى ءيتتى كولىگىمەن سۇيرەگەن ۆيدەوسى تارادى
پوليتسيا كاماز جۇرگىزۋشىسىنىڭ جەكە باسىن انىقتادى، دەپ حابارلايدى قازاقپارات ءتىلشىسى.
كاماز ارتىندا جىپكە بايلانىپ، سۇيرەتىلىپ بارا جاتقان ءيتتىڭ ۆيدەوسى جەلىگە شىقتى.
الماتى وبلىسىنىڭ پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆ قۇقىقبۇزۋشىلىق تالعار اۋدانىنىڭ پوليتسيا باسقارماسىندا تىركەلگەنىن مالىمدەدى.
«تەكسەرۋ جۇمىستارى اتالعان بولىمشەنىڭ قىزمەتكەرلەرىنە تاپسىرىلدى. قۇقىق بۇزۋشىنى مىندەتتى تۇردە انىقتاپ، شارا قولدانامىز»، - دەدى رۋستام ءابدىراحمانوۆ.
كەيىنىرەك ول كولىك جۇرگىزۋشىنىڭ كىم ەكەنى انىقتالعانىن ءمالىم ەتتى. ول 42 جاستاعى س. ەسىمدى ازامات بولىپ شىقتى. الداعى ۋاقىتتا تەكسەرۋ جۇمىستارىنىڭ ناتيجەسى تۋرالى قوسىمشا حابارلانادى.
