شەتەلدە ءۇيى بار قازاقستاندىق جۇلدىزدار

Massaget.kz ءتىلشىسى شەتەلدەن ءۇي العان ارتىستەر كىمدەر ەكەنىنە شولۋ جاسادى.

ءمادينا ءسادۋاقاسوۆا

بەلگىلى ءانشى ءمادينا ءسادۋاقاسوۆا الانيادان ءۇي العان. بۇل تۋرالى ول جەلىدەگى پاراقشاسىندا جاريالاعان.

«الانيادان پاتەر الىپ ءوز-وزىمە سىيلىق جاسادىم! انۋاردى مەكتەپكە جىبەردىك، تۋعان كۇن مىنە كەلىپ قالدى ءارى بەرى اقشامىزدى شاشا بەرمەي، ءبىر ءۇي الىپ قويايىق دەدىك! دەمالىسقا كەلگەندە قوناق ءۇي ەمەس، ءوزىڭنىڭ داپ-دايىن ۇيىڭە بارعان جاقسى ەمەس پە؟! ءوز-وزىمە سىيلىق جاسادىم» - دەپ جازعان ول.

جەلى قولدانۋشىلارى اراسىندا پاتەر قۇنىن سۇراعاندار دا تابىلعان.

«كۇشتى، قۇتتى بولسىن! بىزگە دە بۇيىرسىن، پاتەر الۋ!»، «كەرەمەت سىزدەر ءۇشىن قۋانىشتىمىز. بىزگە دە بۇيىرسىن»، «قانشا تۇرادى ەكەن، ا؟ كۇشتى ەكەن! قۇتتى بولسىن!»، «قانشادان ەكەن بۇل ءۇي؟» - دەپ جازعان پىكىر بىلدىرۋشىلەر.

تاۋەكەل ءمۇسىلىم

تانىمال اكتەر تاۋەكەل ءمۇسىلىم دە تۇركيادان پاتەر العان. ول بۇل تۋرالى Instagram-پاراقشاسىندا ايتقان ەدى. اكتەر جەلىدەگى پاراقشاسىندا الدىمەن الانيادا دەمالىپ جۇرگەن ساتتەرىنىڭ ۆيدەولارىن جۇكتەگەن.

ال كەيىنىرەك ول پاتەر العانىن جازدى.

«وتباسىلىق دەمالىسىمىزدىڭ بىتۋىنە از ۋاقىت قالدى. ونى ايتورەنىڭ تۇرىنەن بايقاۋعا بولادى، كەلەسى سۋرەتتە. بۇل جولى الانياعا كەلۋىمنىڭ سەبەبى ءبىز پاتەر العان قۇرىلىس كومپانياسىنا جارناما ءتۇسىرۋ بولدى. اللاعا شۇكىر ءبارى ىسكە استى»، - دەپ جازدى اكتەر.

اكتەردىڭ وقىرماندارى ونىڭ قۋانىشىنا ورتاقتاسىپ، جاعىمدى پىكىر جازعان:

«ءۇي-جاي قۇتتى بولسىن! ءار وتباسىندا قۋانىش كوپ بولسىن!»، «الەمدىك دارەجەگە شىققانىڭ قۇتتى بولسىن، بالۋان! قونىس قۇتتى بولسىن!»، «باقىتتارىڭ باياندى بولسىن، قۇتتى بولسىن!»، «ءتىل-كوزدەن اۋلاق بولىڭدار»، - دەپ جازعان جەلىدەگىلەر.

التىناي جورابايەۆا

شەتەلدەن ءۇي العان، سونىڭ ىشىندە تاڭداۋى تۇركياعا تۇسكەندەردىڭ ءبىرى - التىناي جورابايەۆا.

«اللا ۇلىق! اللا ۇلىق! بارلىق ماقتاۋلار مەن ماداقتار تەك اللاعا عانا ءتان. تۇركيا ەلىنەن، الانيا قالاسىنان، تەڭىزدىڭ جاعاسىنان 7 جۇلدىزدى 2+1 (3 بولمەلى) پاتەر ساتىپ الدىق. ءۇي اللا بۇيىرتسا 2022-جىلى جەلتوقسانىندا سالىنىپ بىتكەنشە، ءبولىپ تولەيمىز. ءار قازاققا جۇعىستى بولسىن! دەمالۋعا كەلىپ تۇرامىز، اللا قالاسا. باسقا ۋاقىتتا جالعا بەرىپ، اقشا تابۋعا بولادى!» - دەپ جازدى ول.

جەلى قولدانۋشىلارى جاعىمدى جاڭالىققا جاقسى پىكىرلەر جازعان.

«قۇتتى بولسىن! جۇعىستى بولسىن!»، «قۇتتى بولسىن، راحاتىن كورىڭىزدەر، بىزگە دە جۇعىستى بولسىن»، «التىناي، قۇتتى بولسىن، ءۇيدىڭ ءىشى بالاپانعا سىرتى مالعا تولسىن»، - دەدى ءانشىنىڭ وقىرماندارى.

ءقىدىرالى مەن قاراقات تا ءۇي الىپ كوشتى مە؟

ەل اراسىندا «ءۇي الدى، كوشىپ كەتتى» دەگەن قاڭقۋ سوزگە ىلىككەندەردىڭ ءبىرى - ءقىدىرالى مەن قاراقات. الايدا بۇل اڭگىمەنىڭ نۇكتەسىن قاراقات ءوزى قويعان.

«ءقىدىرالى مەن قاراقات تۇركياعا كوشىپ كەتكەن جوق، جاي دەمالىپ ءجۇر دەپ ايتقىم كەلەدى، سىرتىمىزدان تون ءپىشىپ جۇرگەندەرگە»، - دەپ جازدى قاراقات ءابىلدينا جەلىدەگى پاراقشاسىندا.

كەيىنىرەك ءانشى وزدەرى مەن بالالارىنىڭ دەنساۋلىعى ءۇشىن ءبىراز ۋاقىت سوندا بولۋدى شەشكەندەرىن جازعان ەدى.

«وسى جاقتا قالۋىمىزعا باستى سەبەپ - تەڭىز، كۇن. تەڭىزدەن بولىنەتىن پايدالى مينەرالدار جانعا داۋا، دەرتكە شيپا. «د» دارۋمەنىن دە ادام كۇننەن الادى، سوندىقتان بالالارىمىزدىڭ دەنساۋلىعى ءۇشىن وسى ەلدە بولايىق دەپ شەشتىك. دەنساۋلىقتان قىمبات نە بار؟! ۇزاق ۋاقىت ۇيدەن شىقپاي وتىرعاننان شىنى كەرەك بالا تۇگىل ءوزىمىز دە باستىرىلىپ قالدىق. ءسويتىپ وتىرعاندا دوستارىمىز شاقىرىپ، ويلاماعان جەردەن تۇركيادان ءبىر-اق شىقتىق. بۇيىرعان كەتپەيدى . قۋعان جەتپەيدى. قۇلىنشاقتارىمىز ءماز. كليماتى جاقتى. جىلى جاقتان ەندى قايتقىلارى جوق. مىنا زاماندا باسىمىزدىڭ اماندىعى، دەنىمىزدىڭ ساۋلىعىنان ارتىق قۇندىلىق كورىپ تۇرعانىم جوق... ىندەتتىڭ بەتى قايتىپ، قىستان امان شىقساق، ءسۇت ءسابيىمدى شيراتىپ السام ءارى قاراي بارلىعى جاقسى بولادى دەپ سەنەمىن. دەنساۋلىقتارىڭىزدى كۇتىڭىزدەر، بۇل سىناقتان يممۋنيتەتى مىقتىلارى عانا شىعادى ەكەن. سابىرلى بولايىق! ساق بولايىق! اللا بارشاڭىزعا جار بولسىن!» - دەدى قاراقات.

اينۇر تۇرسىنبايەۆا

تانىمالدار اراسىندا تۇركياعا كوشىپ كەتكەندەر دە جوق ەمەس. سونىڭ ءبىرى - اينۇر تۇرسىنبايەۆا. ايتىسكەر اقىن جاقىندا عانا ۇلىنىڭ تويىن جاساپ، «بريلليانت تاراتتى» دەپ ەل اۋزىندا ءجۇر. سول تويعا بارعانداردىڭ ءبىرى ءانشى ەركە ەسماحان اينۇر تۇرسىنبايەۆانىڭ تۇركياداعى ءزاۋلىم ءۇيىن كورسەتكەن ەدى.

«قوناققا كەلدىك. كىرەبەرىستە وسىنداي ادەمى گۇلدەر، قانداي ادەمى ءۇي! قونىس جايلى بولسىن، تويدى جالعاستىرىپ، تويلاۋعا كەلىپ قالدىق»، - دەگەن ەدى ءانشى Stories-ىندە.

تۇركياعا كوشتى دەگەندەردىڭ قاتارىندا بەكبولات تىلەۋحان دا بولعان ەدى. الايدا ول شەتەل ازاماتتىعىن الۋعا ءوتىنىش بەرمەگەنىن مالىمدەگەن بولاتىن.

«بۇل مالىمدەمەگە سەبەپ بولىپ وتىرعان - جاناشىر باۋىرلارىمنىڭ حاتتارى. اقىلعا سىيمايتىن نارسەگە نانبايتىن شىعار دەپ ويلاپ ەدىم. سويتسەم «باسقا ەلدىڭ ازاماتتىعىن الۋعا ءوتىنىش بەرىپتى» دەگەنگە كادىمگىدەي ەل يلانىپ جاتىر. بۇلاي مالىمدەمە جاساماسقا بولمايتىنىنا كوزىم جەتىپ ايتىپ وتىرمىن. ايتايىن دەگەنىم، قادىرلى باۋىرلار، مەن ەشقانداي دا وزگە ەلدىڭ ازاماتتىعىن الۋعا ءوتىنىش بەرگەن جوقپىن. قازاقستاندا ەكى ازاماتتىققا تىيىم سالىنعان. «كوك» پاسپورتتان ايىرىلاتىن ويىم جوق. سايقال ساياساتكەرلەردىڭ جالاسى. «ۇلىس مەديانى» سوتقا بەرەمىن. ولار سوتقا بەرەتىنىمدى ءبىلىپ، ءارتۇرلى نارسە جاساۋى مۇمكىن عوي. ءبىراق ساراپشىلار بار. سوتتا كەزدەسەمىز»، - دەگەن ەدى ساياساتكەر.

اسەل ءسادۋاقاسوۆا

اكتريسا اسەل ءسادۋاقاسوۆا باليگە (يندونەزيا) كوشىپ بارعان. ول الەۋمەتتىك جەلىدە جاڭا ءۇيىن كورسەتكەن ەدى.

اسەل ءسادۋاقاسوۆا Instagram-Stories-تە باسسەينى مەن جەكە تەرراساسى بار اپارتامەنتىن كورسەتكەن بولاتىن.

«ۆيللالاردا تۇردىم، ەندى جەر ۇيدە ۇلكەن وتباسىممەن بىرگە تۇرۋدى ۇيعاردىم. سەبەبى ماعان ىڭعايسىز بولدى جانە كورشىلەرىم بولعانىن قالادىم. سوندىقتان وسى اپارتامەنتتى الدىم. باليدە مۇنداي پاتەرلەردى تابۋ قيىن، دالىرەك ايتساق، تەك وزىمدىكىن كوردىم.

ىشكە كىرگەن بويدا ءوز ءۇيىم ەكەنىن ءتۇسىندىم. مەن مۇندا بۇرىن دا تۇرعان سياقتىمىن. وسىندا بولعانىما وتە قۋانىشتىمىن»، - دەپ ەموتسياسىن ءبولىستى اسەل سادۋاقاسوۆا الەۋمەتتىك جەلىدە.

تانىمالداردىڭ باسىم كوپشىلىگىنىڭ تاڭداۋى تۇركيا ەلىنە، سونىڭ ىشىندە الانياعا تۇسكەن. الانيا - تۇركيانىڭ جەرورتا تەڭىزى جاعالاۋىنداعى كۋرورتقا ارنالعان قالاسى. اشىق دەرەككوز مالىمەتتەرىنە سۇيەنسەك، الانياداعى پاتەرلەر قۇنى ءارتۇرلى. جاعدايىنا، تۇرعان جەرىنە بايلانىستى وزگەرە بەرەدى. ءبىراق شامامەن 33 ميلليوننان باستالاتىنىن بايقاۋعا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى