فۋتبولدان ۇلتتار ليگاسى: فرانسيا قۇراماسى العاشقى جەڭىسىنە قول جەتكىزدى

بۇل كۇنى نەگىزگى ويىن ا ديۆيزيونى ءبىرىنشى توبىنداعى فرانسيا مەن اۆستريا، حورۆاتيا مەن دانيا قۇرامالارى اراسىندا ءوتتى.

فرانسۋزدار العاشقى ءتورت تۋردا ءساتسىز ويىن كورسەتتى. نەبارى ەكى ۇپايعا قول جەتكىزدى. اتالعان كەزدەسۋدە جەڭىسكە جەتپەگەن جاعدايدا الداعى ماۋسىمدا ب ليگاسىنا ءتۇسىپ قالۋى ابدەن مۇمكىن بولاتىن.

ناتيجەسىندە فرانسۋزدىق فۋتبولشىلار قارسىلاسىن 2:0 ەسەبىمەن جەڭىپ، العاش رەت جەڭىسكە جەتتى.

ال حورۆاتيا دانيادان 2:0 ەسەبىمەن باسىم ءتۇستى.

ايتا كەتسەك، س ديۆيزيونى ءۇشىنشى توبىندا سىنعا ءتۇسىپ جاتقان قازاقستان قۇراماسى 22- قىركۇيەكتە ءوز الاڭىندا بەلارۋستى 2:1 ەسەبىمەن ءسۇرىندىردى. ءوز توبىندا ءبىرىنشى ورىن العان قازاقستاندىق فۋتبولشىلار ءبىر تۋر بۇرىن ب ليگاسىنا بەرىلەتىن جولداماعا قول جەتكىزدى.

اتالعان توپتاعى تاعى ءبىر كەزدەسۋدە ءوز الاڭىندا سلوۆاكيا ازەربايجانعا 2:2 ەسەبىمەن جول بەردى.

اتالعان تۋرداعى بارلىق ويىن ناتيجەسى تومەندەگىشە:

ا ديۆيزيونى. ءبىرىنشى توپ. فرانسيا - اۆستريا 2:0، حورۆاتيا - دانيا 2:1

ا ديۆيزيونى. ءتورتىنشى توپ. بەلگيا - ۋەلس 2:1، پولشا - نيدەرلاندى 0:2

س ديۆيزيونى. ءبىرىنشى توپ. ليتۆا - فارەر ارالدارى 1:1، تۇركيا - ليۋكسەمبۋرگ 3:3

س ديۆيزيونى. ءۇشىنشى توپ. قازاقستان - بەلارۋس 2:1، سلوۆاكيا - ازەربايجان 1:2

D ديۆيزيونى. ءبىرىنشى توپ. لاتۆيا - مولدوۆا 1:2، ليحتەنشتەين - اندوررا 0:2

ەندى بەسىنشى تۋردىڭ قالعان ويىندارى 23 جانە 24 -قىركۇيەك كۇندەرى جالعاسادى.

فوتو: www.vseprosport.ru

اۆتور

ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى