ەلوردانىڭ ەلدى مەكەندەرى جوعارى جىلدامدىقتى ينتەرنەتكە قوسىلا باستادى

استانا اكىمدىگىنىڭ مالىمەتىنشە، بۇل سيفرلاندىرۋ جانە مەملەكەتتىك قىزمەت باسقارماسى مەن «Kazakh Home Networks» ج ش س بىرلەسكەن جوباسىنىڭ ارقاسىندا ىسكە اسىرىلادى.

ايتا كەتەيىك، سارىارقا اۋدانىنداعى ساپاسىز ينتەرنەت ماسەلەسى 8 جىلعا جۋىق ۋاقىت بويى شەشىمىن تاپپاعان. بۇگىندە جەلىلەردى قوسۋ بويىنشا بەلسەندى جۇمىس جۇرگىزىلۋدە، جوعارى جىلدامدىقتى ينتەرنەتكە الدىمەن بارشىن، ۇلىتاۋ، ساۋمالكول، قۇلانوتپەس، ايدارلى كوشەلەرىنىڭ بويىندا تۇراتىن كوكتال 2 ءنىڭ باتىس بولىگىنىڭ تۇرعىندارى قول جەتكىزەدى. العاشقى ابونەنتتەردى قوسۋدىڭ شامامەن مەرزىمى - قازان ايىنىڭ ورتاسى.

سودان كەيىن جاڭا تۇرعىنداردى بايلانىسقا قوسۋ شىعىس باعىتتا جۇرەدى. «كوكتال-2» تالشىقتى- وپتيكالىق بايلانىس جەلىلەرىمەن تولىق قامتۋدى قاراشا ايىنىڭ ورتاسىندا اياقتاۋ جوسپارلانىپ وتىر. اياقتالعان سوڭ كوكتال-1 جانە اگروقالاشىق اۋداندارىندا دا وسىنداي جۇمىستار باستالادى.

ايتا كەتۋ كەرەك، جەكە سەكتور تۇرعىندارىنا تەگىن قوسىلۋ، يكەمدى تاريفتىك جوسپارلار جانە جوعارى قىزمەت كورسەتۋ دەڭگەيى ۇسىنىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى