استانادا ءۇش گاز تاراتۋ ستانسياسى سالىنىپ جاتىر

باسقارمانىڭ حابارلاۋىنشا، بيىل سالىنىپ جاتقان نىسانداردى ەسەپكە الماعاندا جىلۋ تاپشىلىعى 300 گيگاكالوريادان استى. قازىرگى ۋاقىتتا ەلوردادا «تۇران»، «تەلمان» جانە «وڭتۇستىك-شىعىس» گاز تاراتۋ ستانسيالارى سالىنىپ جاتىر.

«ءاربىر گاز تاراتۋ ستانتسياسىنىڭ ءوز قامتۋ ايماعى بار. «تۇران» ستانسياسىنىڭ جوبالىق قۋاتى ساعاتىنا 600 گيگاكالوريا، ول «سىعاناق» كوشەسىنىڭ وڭتۇستىگى مەن «تۇران» داڭعىلىنىڭ باتىس اۋداندارىن قامتيدى. «تەلمان» جىلۋ ستانسياسىنىڭ قۋاتى دا 600 گيگاكالوريا بولادى، ول «تەلمان» تۇرعىن الابىنىڭ وڭتۇستىگىنە قاراي سالىناتىن پەرسپەكتيۆالى اۋداندار مەن «تاۋەلسىزدىك» كوشەسىنە گاز تاراتپاق. قۋاتى 350 گيگاكالوريا بولاتىن «وڭتۇستىك-شىعىس» جىلۋ ستانسياسىنا «مىڭجىلدىق» اللەياسى، «نۇرلى جول» ۆوكزالى، «قازاقستان» جاڭا تۇرعىن الابى قۇرىلىسىنىڭ پەرسپەكتيۆالى اۋداندارى قاراستى بولادى. ءۇش گاز جىلۋ ستانسياسىنىڭ جالپى قۋاتى - 1550 گيگاكالوريا»، - دەدى مارسەل ۇزاقبايەۆ استانا قالاسى ءماسليحاتىنىڭ سەسسياسىندا.

ونىڭ ايتۋىنشا، 2023-جىلى «تۇران» جانە «وڭتۇستىك-شىعىس» گاز ستانسيالارىنىڭ 370 گيگاكالورياسىن پايدالانۋعا بەرۋ جوسپارلانۋدا. قالعان جوبالىق قۋاتتاردى ۋاقىتىلى قارجىلاندىرۋ شارتىمەن 2024-2025-جىلدارى ەنگىزۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى