ماۋلەن اشىمبايەۆ رەسەيلىكتەردىڭ قازاقستانعا جاپپاي قونىس اۋدارۋى مۇمكىندىگىنە قاتىستى پىكىر ءبىلدىردى

«رەسەيلىكتەردىڭ ەلىمىزگە ساپارىن شەكتەۋگە ءتيىستى ەمەسپىز، ياعني ولار بىزگە جۇمىس ساپارىمەن، تۋىستارىنا نەمەسە تۋريزم ماقساتىندا كەلەدى. سونىمەن قاتار، قازاقستان ازاماتتارى دا رەسەيگە ەمىن- ەركىن بارا الادى. بۇل ءوزارا پروتسەسس بولعاندىقتان، ونى شەكتەي المايمىز»، - دەدى م. اشىمبايەۆ سەناتتىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

سونىمەن قاتار ول ەلىمىزدە تۇراقتى تۇرۋىن راستايتىن قۇجاتتى بەرۋ باسقا ماسەلە ەكەنىن ايتتى. قازاقستان رەسپۋبليكاسىندا تۇراقتى تۇرۋعا رۇقسات ەتەتىن قۇجات ەلىمىزدە قانداي دا ءبىر مۇمكىندىكتەر بەرەدى. وسى ورايدا قازاقستاندا بۇل قۇجاتتى الۋ ءۇشىن كەز كەلگەن باسقا ەلدىڭ ازاماتى ءوز مەملەكەتىنەن رۇقسات الۋى كەرەك. بۇل تالاپ ەلىمىزدىڭ زاڭناماسىندا ناقتى بەلگىلەنگەن. ياعني شەتەل ازاماتى ءوز ەلىنەن كەتەتىنى تۋرالى ارنايى پاراقشا مەن باسقا دا قۇجاتتاردى ۇسىنۋى ءتيىس.

«ال ساياسي باسپانانى بەرۋ، بوسقىن دەپ تانۋ مەن بوسقىن مارتەبەسىن بەرۋ - ول دا باسقا ماسەلە. بۇل جاعداي حالىقارالىق شارتتارمەن، ب ۇ ۇ جەلىسى بويىنشا ماقۇلدانعان ءتيىستى قۇجاتتارمەن رەتتەلەدى. قازىر بۇل تۇرعىدا ماسەلە كوتەرەلىپ جاتقان جوق»، - دەدى ماۋلەن اشىمبايەۆ.

ايتا كەتەيىك، كەشە ر ف پرەزيدەنت ۆلاديمير پۋتين رەسەيدەگى ءىشىنارا موبيليزاتسيا تۋرالى قۇجاتقا قول قويدى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى