دەنەم تىتىركەنىپ كەتتى. ورىس جىگىتى قىزىل الاڭدا قازاق ءانىن ورىندادى

«سالەم دوستار، سىزدەر ءۇشىن ماسكەۋدە قىزىل الاڭدا «قۇسني قورلان» دەگەن وتە سۇلۋ ءاندى ءوزىمنىڭ نۇسقامدا جازىپ، ۆيدەو ءتۇسىردىم»، - دەگەن ول ۆيدەودا.

جەلى قولدانۋشىلارى ونىڭ بۇل ونەرىنە ءتانتى بولعان. پىكىر بىلدىرۋشىلەر اراسىندا ءاندى ءوزى ورىنداپ تۇرعانىنا سەنبەگەندەر دە تابىلعان.

«شىنىمەن ءوزىڭ ايتىپ تۇرسىڭ با؟ ونەرىڭ ورگە ءجۇزسىن»، «مىڭ دا ءبىر راقمەت، كەرەمەت ورىنداۋ. ونەرىڭ ورلەي بەرسىن»، «كەرەمەت، دەنەم تىتىركەنىپ كەتتى»، «وتە اسەرلى ەكەن»، «كەرەمەت ورىنداۋ، قازاقتىڭ جازىق دالاسىن ەرىكسىز ەسكە تۇسىرەتىن ءان»، - دەپ جازعان پىكىر بىلدىرۋشىلەر.

الەكساندر TikTok-پاراقشاسىندا ءوزى تۋرالى دا ايتىپ بەرگەن.

«ەسىمىم - بولات. شىن ەسىمىم - الەكساندر. ءبارى «ورىسسىڭ با؟ قازاقسىڭ با؟» دەپ سۇرايدى. ءيا، مەن ورىسپىن. ءبىراق قازاقستاندا تۋدىم. قازىر ماسكەۋدە ءجۇرمىن»، - دەيدى ول.

ول قايرات نۇرتاس، سەيفۋللين جولبارىس سەكىلدى انشىلەردىڭ اندەرىن ءوز نۇسقاسىندا دا ورىنداعان .

ەسكە سالايىق، بۇعان دەيىن وزگە ۇلتتار قازاق ءتىلىن قالاي ۇيرەنىپ جۇرگەنى تۋرالى ماتەريال جاريالاعان بولاتىنبىز.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى