ەرلان سايروۆ ۇلتتىق دومبىرا ورتالىعىن اشۋ ماسەلەسىن كوتەردى
AMANAT فراكسياسىنىڭ مۇشەلەرى ق ر پرەمەر-ءمينيسترى ورىنباسارىنىڭ اتىنا قازاقستاندا ۇلتتىق دومبىرا ورتالىعىن اشۋ جونىندە دەپۋتاتتىق ساۋال جولداعان. ەلىمىزگە رەسمي ساپارمەن كەلگەن ريم پاپاسى فرانتسيسكتىڭ ءوزى دومبىرانىڭ الەمدىك رۋحاني پوتەنتسيالى جونىندە اتاپ ءوتتى. پرەزيدەنت قاسىم-جومارت توقايەۆ ريم پاپاسىنا قازاقتىڭ رۋحاني ءومىرىنىڭ سيمۆولى رەتىندە دومبىرانى سىيعا تارتتى. ياعني دومبىرانى مەملەكەتتىك دەڭگەيدە ۇلىقتاپ، حالىقارالىق برەند جاساۋ - ۋاقىت تالابى»، - دەدى ە. سايروۆ.
ونىڭ پايىمىنشا، ۇلتتىق دومبىرا ورتالىعىن اشۋ - جاھاندانۋ زامانىندا ۇلتىمىزدىڭ رۋحاني كەلبەتىن ساقتاپ قالۋدىڭ ءبىر جولى.
«سوندىقتان داۋرەن اسكەربەك ۇلىنىڭ (مادەنيەت جانە سپورت ءمينيسترى) اتىنا دەپۋتاتتىق ساۋالدى قايتا جولداپ وتىرمىز»، - دەدى دەپۋتات.
بۇدان بۇرىن حابارلانعانداي، بۇرىنعى ق ر پرەمەر-ءمينيسترىنىڭ ورىنباسارى ەرالى توعجانوۆ دەپۋتاتتارعا بەرگەن جاۋابىندا ۇلتتىق دومبىرا ورتالىعىن قۇرۋ ماسەلەسى قوسىمشا پىسىقتاۋدى تالاپ ەتەتىنىن ايتقان.
