توعىزقۇمالاقتان الەم كۋبوگىن قازاقستان ويىنشىلارى جەڭىپ الدى

دۇنيەجۇزىلىك توعىزقۇمالاق فەدەراتسياسىنىڭ قولداۋىمەن وتكەن بۇل جارىستى ۇلتتىق جانە ات سپورتى تۇرلەرى ورتالىعى مەن تاتار دەموكراتيالىق قوعامى ۇيىمداستىردى.

الەم كۋبوگىنە 9 مەملەكەتتەن 50 گە جۋىق سپورتشى قاتىستى.

اتاپ ايتقاندا، قازاقستان، قىرعىزستان، بولگاريا، پاكستان، رۋمىنيا، تۇركيا، چەحيا، ۋكراينا جانە ەفيوپيادان كەلگەن ويىنشىلار ءوزارا مىقتىنى انىقتادى.

جارىس شۆەيتسار جۇيەسى بويىنشا ۇلدار مەن قىزدار اراسىندا راپيد جانە شاپشاڭ ويناۋ ءتۇرى بويىنشا جەكە-جەكە وتكىزىلدى.

ناتيجەسىندە قازاقستان جاستار قۇراماسى 4 التىن، 4 كۇمىس جانە 4 قولا مەدال ەنشىلەپ، جالپىكوماندالىق ەسەپتە توپ جاردى.

قازاقستاندىق سپورتشىلاردان التىن مەدالدى داستان قالىبەك (شىمكەنت قالاسى) - 2 التىن، ايانا يساحان (اباي وبلىسى) جانە سالمان ارۋجان (تۇركىستان وبلىسى) 1 التىن جەڭىپ الدى.

وسىلايشا الەم كۋبوگىن قانجىعاسىنا بايلاپ قايتتى.

سونداي-اق، چەحيا سپورتشىلارى 2 قولا، رۋمىنيا مەن ەفيوپيا سپورتشىلارى 1 قولا مەدالدان جەڭىپ الدى.

اۆتور كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى