ساعات نەشەدە دۇنيەگە كەلدىڭىز: نۋمەرولوگ كۇشتى جانە ءالسىز تۇستارىڭىزدى اتادى
ادامنىڭ تابيعاتىنا ونىڭ تۋىلعاننان كەيىنگى ەكى ساعاتتا قانداي پلانەتانىڭ باسىم بولعانى اسەر ەتەدى. وسى ۋاقىتتى ءبىلۋ ارقىلى ءوزىڭىزدى، پوتەنتسيالىڭىزدى جانە كۇشتى جاقتارىڭىزدى بىلۋگە بولادى.
بۇل تۋرالى parents.ru سايتىنا نۋمەرولوگ الەنا انيسيمكوۆا ايتىپ بەردى.
ءتۇن
00.00 - 2.00
بۇل ۋاقىت ارالىعىندا دۇنيەگە كەلگەن ادامدار بىلۋگە قۇمار كەلەدى، ولار جاڭا اقپاراتتى وڭاي جانە راقاتتانا مەڭگەرەدى. ولار بەلسەندى، ءازىلدى جاقسى تۇسىنەدى، ءاردايىم جۇرت نازارىندا بولۋعا تىرىسادى. ولار ءۇشىن نازاردا بولۋ ماڭىزدى: بۇل ولاردىڭ قابىلەتتەرىن ىسكە قوسادى. بۇل ۋاقىت ارالىعىندا تۋعاندار جىگەرلى كەلەدى جانە ادەتتە، ءوز جاسىنان جاس كورىنەدى.
2.00 - 4.00
ەڭبەككە قابىلەتتى ادامدار. العىر، ەشقاشان ءوز مۇمكىندىگىن جىبەرمەيدى جانە ءاردايىم نە قالايتىندارىن بىلەدى. جايلىلىقتى باعلايدى، سوندىقتان جەكە اۋقاتتىلىق - نەگىزگى ماقساتتارىنىڭ ءبىرى. سەبەپ-سالدارلى بايلانىستى ناقتى تۇسىنەدى، سوندىقتان ماقسات قويىپ، مىندەتتى تۇردە وعان جەتەدى. مۇنداي قىسىم كوپشىلىكتىڭ كوڭىلىنەن شىقپايدى. بۇل ۋاقىتتا تۋىلعان ادامداردا يەمدەنۋشىلىك سەزىمى قاتتى دامىعان.
تاڭەرتەڭ
4.00 - 6.00
تابيعاتىنان ليدەرلەر، ولار ءجيى باسقارۋشى قىزمەتتە بولادى. بيلەگىسى جانە باسقارعىسى كەلۋ ولاردىڭ قانىندا بار. ەگەر ول جۇمىستا ىسكە اسپاسا، ول جاقىندارىنا اۋىسادى. مۇنداي ادامداردى شەكتەۋگە تىرىسۋدىڭ قاجەتى جوق، باستى شارت - ارەكەت ەركىندىگى. «ماقساتتى كورۋ - وعان قاراي جىلجۋ»، «كەلدىم - كوردىم - جەڭدىم» - مۇنىڭ بارلىعى ولار تۋرالى ايتىلعان. ولار وزىنشە، تاكاپپار، ءورشىل. تاپسىرمالاردى ورىنداۋدى ەشكىمگە سەنىپ تاپسىرا المايدى، تەك ءوز كۇشىنە سەنەدى.
6.00 - 8.00
بۇل ۋاقىت ارالىعىندا دۇنيەگە كەلگەندەر جالعىز قالعاندى، ءوز-وزىمەن بولعاندى جاقسى كورەدى. ولار تۇيىق، جالعىزدىق ولارعا قاۋىپسىزدىك سەزىمىن سىيلايدى. شىنايى ءومىر مۇنداي ادامدار ءۇشىن قاۋىپتى جانە قاتال. ولار جاقسى ينتۋيتسياعا يە جانە ادامنىڭ تابيعاتىن جاقسى تۇسىنەدى.
8.00 - 10.00
سۇيكىمدى جانە وڭاي باۋىرىنا تارتىپ الادى. ادامگەرشىلىك پەن ادالدىقتى جوعارى باعالايدى. ءجيى السىزدەردىڭ جاعىنا شىعادى جانە مۇقتاج ادامدارعا كومەكتەسەدى. وسىنداي ادامدارمەن اينالاسىنداعىلار باعالى نارسەسىمەن بولىسەدى، ءوز ويلارى مەن قۇپيالارىن سەنىپ ايتادى. ولاردىڭ تاعى ءبىر جاقسى قاسيەتى - ولارمەن سويلەسكەن ادامدار وزدەرىن ماڭىزدى جانە قاجەتتى سەزىنەدى.
10.00 - 12.00
بىربەتكەي، نيەتتەرىنە بەرىك، قاتال تارتىپكە يە. بارلىق ارەكەتتەرى ناقتى جوسپارلانعان، كەنەتتەن بىردەڭە ىستەۋ ولارعا مۇلدەم ءتان ەمەس. ەموتسيالىق تۇرعىدا ۇستامدى جانە جىگەرلى. ولاردى ابايسىزدا ۇستاپ الۋ قيىن، ولار رەنجىتۋشىگە دالەلدى جانە جالتارما تويتارىس بەرە الادى. بۇل ۋاقىت ارالىعاندا دۇنيەگە كەلگەن ادامدار وزدەرىن ىسكەرلىك سالادا جانە ساياساتتا جاقسى كورسەتە الادى.
كۇندىز
12.00 - 14.00
ومىرلىك ۇستانىمداردى اۋىستىرۋ، بەلسەندىلىك جانە جاڭا اسەرلەر الۋ - بۇل ادامداردىڭ تابيعاتىندا بار نارسەلەر. تانىستىق، ءبىلىم الۋ، جاڭا ماماندىقتاردى مەڭگەرۋ. ولار ديناميكالىق ءومىر قارقىنىن جاقسى كورەدى، كونسەرۆاتيزمدى جانە شەكتەۋلەردى ۇناتپايدى.
14.00 - 16.00
ولار قيىندىقتارعا قارسى تۇرا الادى جانە ولاردى وڭاي جەڭەدى. قۇلاپ جاتسا دا، قايتادان كوتەرىلەدى. ولاردىڭ جىگەرلى قاسيەتى ماڭىزدى ناتيجەلەرگە جانە دۇرىس قويىلعان ماقساتتارعا جەتۋگە مۇمكىندىك بەرەدى.
16.00 - 18.00
يكەمدى، جوعارى ادەپتىلىك سەزىمگە يە، «وتكىر بۇرىشتاردى» وڭاي اينالىپ وتە الادى جانە باسقالارمەن تەز ارالاسىپ كەتەدى. ولاردىڭ كوپشىلىگىنىڭ باستى ماقساتى - ەكىنشى جارتىسىن تابۋ. الايدا كوپ جاعدايدا اسىعىس شەشىم قابىلدايتىندىقتان ول ساتسىزدىكپەن اياقاتالادى.
كەش
18.00 - 20.00
مىنەزى قاتتى ادامدار، ولار كەز كەلگەن تىعىرىقتان شىعا الادى. ولار باسقالاردىڭ مۇددەلەرى مەن قىزىعۋشىلىقتارىن وزىنىكىنەن جوعارى قويادى. بۇل دوستىق نەمەسە ىسكەرلىك قارىم-قاتىناسقا جاقسى اسەر ەتپەيدى.
20.00 - 22.00
بەلسەندى ءومىردى باعالايدى جانە ومىردەن ءلاززات الۋعا تىرىسادى. ولار جۇرتتىڭ نازارىندا بولعاندى جاقسى كورەدى جانە شىعارماشىلىققا جاقىن كەلەدى. وسى ۋاقىت ارالىعىندا دۇنيەگە كەلگەندەر ءجيى تەاتر، شىعارماشالىق، ساحنا سەكىلدى سالالاردى تاڭدايدى. ولار باسقا ادامدارمەن تەز ارالاسىپ كەتەدى. قوعامدا ولاردى جاقسى كورەدى.
22.00 - 24.00
ىشكى گارمونيانى جاقسى كورەدى، ۇنەمى تىنىشتىقتى جانە ءوز-وزىمەن ۇيلەسىمدىلىكتى ىزدەيدى. ادەتتە، سەزىمتال كەلەدى. ىشكى تىنىشتىقتى كوپ ويلاۋى ونىڭ كوممۋنيكاتيۆتى داعىلارىن تەجەيدى. ولار باياۋ كەلەدى.
