ياندەكس. تاكسي باعانى قىمباتتاتۋىنا بايلانىستى تەرگەۋ جالعاسىپ جاتىر
«بيىلعى 18-قاڭتاردا «ياندەكس تاكسي» ج ش س- نىڭ قازاقستاننىڭ باسەكەلەستىكتى قورعاۋ زاڭىن بۇزۋىنا قاتىستى تەرگەۋ باستالدى. تەكسەرۋ شاراسى كاسىپكەرلىك كودەكسىنىڭ 169-بابىنىڭ 5-تارماعىندا تىيىم سالىنعان ەكونوميكالىق قىزمەتتى ۇيلەستىرۋ بەلگىلەرى بويىنشا ءجۇرىپ جاتىر»، - دەلىنگەن حابارلامادا.
كودەكستىڭ 169-بابىنىڭ 5-تارماعىنا سايكەس نارىق سۋبەكتىلەرىنىڭ ارەكەتىن وسىنداي نارىق سۋبەكتىلەرىنىڭ ەشقايسىسىمەن دە ءبىر تۇلعالار توبىنا كىرمەيتىن جانە نارىق سۋبەكتىلەرىنىڭ ارەكەتتەرىن كەلىسۋ ارقىلى جۇزەگە اسىراتىن سول تاۋار نارىعىندا قىزمەتىن جۇزەگە اسىرمايتىن ءۇشىنشى تۇلعامەن كەلىسۋ ەكونوميكالىق قىزمەتتى ۇيلەستىرۋ دەپ تانىلادى.
نارىق سۋبەكتىلەرىنىڭ ەكونوميكالىق قىزمەتىن وسى باپتىڭ 1-3-تارماقتارىندا كورسەتىلگەن سالدارعا اكەپ سوقتىراتىن نەمەسە اكەپ سوقتىرعان ۇيلەستىرۋگە تىيىم سالىنادى.
الماتى قالالىق دەپارتامەنتتىڭ حابارلاۋىنشا، 25-شىلدەدە كاسىپكەرلىك كودەكستىڭ 174-بابىنىڭ 1-تارماقشاسىندا تىيىم سالىنعان مونوپوليالىق جوعارى باعا بەلگىلەۋ بويىنشا اتالعان ج ش س- عا تەرگەپ- تەكسەرۋ كودەكستىڭ 222-بابى 1-تارماعىنىڭ 2-تارماقشاسىنا سايكەس توقتاتىلدى.
كودەكستىڭ 175-بابىنىڭ 1-تارماعىنا سايكەس مونوپوليالىق نارىق سۋبەكتىسى بەلگىلەگەن باعا، تاۋاردى ءوندىرۋ جانە وتكىزۋ ءۇشىن قاجەتتى شىعىستار مەن پايدا سوماسىنان جانە سالىستىرمالى تۇردە نارىقتا باسەكەلەستىك جاعدايدا قالىپتاسقان باعادان اسىپ كەتسە، مونوپوليالىق جوعارى باعا سانالادى.
سونداي- اق، رەسمي اقپاراتتا تەرگەپ- تەكسەرۋ ناتيجەسى بويىنشا قوسىمشا حابارلاناتىنى جانە بيىل جىل باسىنان دەپارتامەنت اتىنا ياندەكس. تاكسيدىڭ باعانى وسىرۋىنە قاتىستى 6 ءوتىنىش كەلىپ تۇسكەنى ايتىلعان.
