سۋىق كەزدە اۋىرماۋ ءۇشىن نە جەۋ كەرەك؟
ادام ىشەگى، تەرى مەن شىرىش قاباتىندا، اۋىز قۋىسىندا ميللياردتاعان باكتەريا ءومىر سۇرەدى، ولار قاۋىپ توندىرمەيدى، ەشقانداي اۋرۋ تۋدىرمايدى. سونىمەن قاتار، بۇل ميكروورگانيزمدەر ادام اعزاسىنىڭ يممۋن قورعانىسىن جاقسارتادى، تاعامدى قورىتۋعا كومەكتەسەدى، ءتىپتى دەنەگە قاجەت K دارۋمەنى مەن B توبىنىڭ ءبىر بولىگىن سينتەزدەيدى.
«بيوتيكتەر» سوزىنە قوسىلاتىن ءتۇرلى قوسىمشا كوپ. كوبىنە ادامدار پرو- جانە پرەبيوتيكتەر اراسىنداعى ايىرماشىلىقتى تۇسىنە المايدى، ال كەيبىرى مەتابيوتيكتەر نەمەسە سينبيوتيكتەر تۋرالى مۇلدەم ەستىمەدى. ەندوكرينولوگ، ديەتولوگ اننا سەربينامەن ولاردىڭ ايىرماشىلىعىن ايتتى، - دەپ حابارلايدى doctorpiter. ru.
پرەبيوتيكتەردەن باستايىق. بۇل ادام اعزاسى قورىتپايتىن، اش جانە توق ىشەكتە قورىتىلماي قالعان تاعامنىڭ ءتۇرلى كومپونەنتتەرى. ولار ءبىز ءۇشىن باللاست، ءبىراق اعزاداعى باكتەريالار ءۇشىن جاقسى. ولار كوبەيىپ، ادامنىڭ ءوز يگىلىگى ءۇشىن بەلسەندى جۇمىس ىستەيدى، ميكروبتاردان ارىلتىپ، ۆيتاميندەر شىعارادى جانە يممۋن جۇيەسىن جاقسارتۋعا كومەكتەسەدى.
پروبيوتيكتەر - قورشاعان ورتادان كەلەتىن باكتەريالار. ولار ءبىز ءۇشىن ءقاۋىپسىز، سونىمەن قاتار، ولار ميكروب تەپە- تەڭدىگىن ساقتاۋعا، ىشەك ميكروفلوراسىنىڭ تەپە- تەڭدىگىن قالپىنا كەلتىرۋگە كومەكتەسەدى. تانىمال پروبيوتيكتەر اراسىندا ءبىز مىنالاردى اجىراتا الامىز:
ءتۇرلى شتامداردىڭ لاكتوباكتەريالارى - L. acidophilus ،casei, ،lactis ،rhamnosus جانە ت. ب. ولار ءسۇت ونىمدەرىنىڭ قۇرامىندا بولادى - يوگۋرت، سۇزبە، ءسۇت كوكتەيلدەرى.
ءتۇرلى تيپتەگى بيفيدوباكتەريالار - B. bifidum ،breve ،B. Adolescents. ولار، سونداي-اق، ءسۇت ونىمدەرىنە جانە بالالار مەن ەرەسەكتەرگە ارنالعان كەيبىر تاعام قوسپالارىندا بولادى.
اۋىرىپ قالماس ءۇشىن قانداي تاعام جەۋ كەرەك؟
دوكتور سەربينانىڭ ايتۋىنشا، تابيعي اشىتىلعان ءسۇت ونىمدەرىنە، قوسپالارسىز جانە كونسەرۆانتتارسىز تاعام ونىمدەرىنە، قىمىز جانە باسقا دا اشىتىلعان تاعام ونىمدەرىنە نازار اۋدارىڭىز. ولاردا پرەبيوتيكتەر جەتكىلىكتى. بۇل كومپونەنتتەر كۇندەلىكتى تاعامدار قۇرامىندا دا بولادى: پياز جانە سارىمساق، بانان، سپارجا، كەبەك، سۇلى جانە ارپا، جاڭا پىسكەن جانە كەپتىرىلگەن جەمىستەر، تەڭىز بالدىرلارى.
massaget.kz
