شىعىس قازاقستانداعى شارۋشىلىقتاردا مالشى جەتىسپەيدى

ءبىراق شوپاننان قادىر كەتتى مە؟ بۇگىن مال باعاتىن ادام جوق دەسە دە بولادى. اسىرەسە ەشكىم قوي باققىسى كەلمەيدى. ماسەلەن، شىعىس قازاقستان وبلىسىنىڭ شارۋشىلىقتارىندا مالشى جەتىسپەيدى.

زايسان اۋدانىندا بايىس قويىن كوبەيتىپ وتىرعان جەڭىسبەك كارىبايەۆتىڭ ايتۋىنشا، اتا كاسىپكە جاناشىرلىق تانىتاتىندار از. مال باعاتىن ادام تاپپاي قينالعان قاريا 300 مىڭ تەڭگەدەن جالاقى تولەپ، ارەڭ دەگەندە ءۇش مالشى تاپقان. ءبىراق بۇل از. سەبەبى 6 مىڭ باس قويعا كەم دەگەندە 8-9 قويشى كەرەك. ال جاستار ەڭبەگى اۋىر، تاۋقىمەتى كوپ شارۋادان قاشادى. سالالىق باسشىلىق بۇل پروبلەمادان حاباردار. وسىنداي ماسەلە سالدارىنان وڭىردە قوي باسى جىل سايىن 100 مىڭعا كەمىپ جاتىر. «سوندىقتان قوي شارۋاشىلىققا مەملەكەتتىڭ قولداۋى كەرەك»، - دەيدى ماماندار.

جەڭىسبەك كارىبايەۆ، شارۋا قوجالىعىنىڭ جەتەكشىسى:

- باسقا مالمەن بۇل تەڭ ەمەس، تاڭعى ساعات 04:00-دەن كەشكى 20:00-گە دەيىن باعۋ كەرەك، قازىر جاستار بۇل جۇمىسقا كەلمەيدى، كۇنىنە 10 مىڭ تەڭگە تولەپ، ايىنا 300 مىڭ تولەپ مالشى تابا الماي وتىرمىز.

ەرتاي باتحولدين، ش ق و اۋىل شارۋاشىلىق باسقارماسىنىڭ ءبولىم باسشىسى:

- ءبىرىنشى ماسەلە جالاقى 300-350 مىڭ تەڭگە بولۋى كەرەك، بالالارى وقۋ ءۇشىن وقۋ جاسىنداعى بالالارىنا ءار جەرگە ينتەرنات سالىنۋ كەرەك، ودان كەيىن الەۋمەتتىك جاعىنان قورعالۋ كەرەك، تاعى ءبىر ماسەلە ەرتەرەك زەينەتكە شىعۋ كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى