الاياقتار تۇرعىندارعا سالىق تولەۋ تۋرالى جالعان حابارلاما جىبەرە باستادى

كوميتەت حابارلاماسى بار تاپسىرىس حاتپەن پوشتا ارقىلى، سالىق تولەۋشىنىڭ جەكە كابينەتىنە ەلەكتروندىق تاسىلمەن، موبيلدىك قوسىمشا ارقىلى ەلەكتروندىق تاسىلمەن جىبەرىلەتىنىن اتاپ ءوتتى.

فەيك حابارلامانى قالاي انىقتايمىز؟

مىنالارعا نازار اۋدارىڭىز:

• حابارلامانى جىبەرۋشىنىڭ قاتە كورسەتۋ، مىسالى «ق ر سالىقتارى» ا ق»؛

• مۇلىك سالىعىن دۇرىس تولەگەن كەزدە قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ مەملەكەتتىك كىرىستەر باسقارماسى كورسەتىلۋى كەرەك، مۇلىك سالىعى - جىلجىمايتىن مۇلىكتىڭ ورنالاسقان جەرى بويىنشا، ال كولىك سالىعى - سالىق تولەۋشىنىڭ تۇرعىلىقتى جەرى بويىنشا كورسەتىلەدى؛

• سالىقتاردى تولەۋدىڭ بەلگىلەنگەن مەرزىمدەرى بار: كولىك سالىعى بويىنشا – 1-ساۋىردەن كەشىكتىرمەي، مۇلىك سالىعى بويىنشا – 1-قازاننان كەشىكتىرمەي. تيىسىنشە حابارلامالار وسى مەرزىمگە دەيىن ءاربىر سالىق بويىنشا جىبەرىلەدى.

ەسەپتەلگەن سالىق سوماسىن kgd.gov.kz سايتىندا جانە E-salyq Azamat ءموبيلدى قوسىمشاسىندا «الداعى تولەمدەر» سەرۆيسىنەن، سونداي-اق بانكتەردىڭ Homebank جانە Kaspi.kz (مەملەكەتتىك قىزمەتتەر - سالىق - كولىك جانە مۇلىك سالىعى- ج س ن تەرۋ) موبيلدى قوسىمشالارىندا بىلۋگە بولادى؛

سالىق بويىنشا بەرەشەكتىڭ بار نە جوق ەكەنىن e-Salyq Azamat (AppStore, PlayMarket) موبيلدى قوسىمشاسى→ەلەكتروندىق سەرۆيستەر→سالىق جانە الەۋمەتتىك تولەمدەر بويىنشا بەرەشەك سەرۆيسى→ج س ن ەنگىزۋ ارقىلى تەكسەرۋگە بولادى.

«سالىق ورگانىنىڭ بارلىق ەسەپتەۋلەرى جانە تولەنگەن سالىق سومالارى سالىق تولەۋشىنىڭ دەربەس شوتىندا كورسەتىلەدى. وسىعان بايلانىستى، انىقتامالىق اقپارات الۋ ءۇشىن جەكە تۇلعالار ءبىرىڭعاي بايلانىس ورتالىعىنىڭ 1414 تەگىن تەلەفون ءنومىرى بويىنشا جۇگىنە الادى»، - دەدى ق ر ق م مەملەكەتتىك كىرىستەر كوميتەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى