اسكەري بورىشىن وتەگەندەر جوعارى وقۋ ورىندارىنا ۇ ب ت- سىز تۇسە الادى
قورعانىس مينيسترلىگىنىڭ مالىمەتىنشە، اتالعان جوبا مەرزىمدى اسكەري قىزمەتىن وتكەرگەن بارلىق ازاماتتارعا اڭگىمەلەسۋ ناتيجەلەرىنە قاراي ۇلتتىق ءبىرىڭعاي تەستىلەۋدى ەسەپكە الماي، اسكەري بورىشىن اتقارعان سوڭ ەكى جىل ىشىندە اقىلى نەگىزدە جوعارى وقۋ ورىندارىنا تۇسۋگە مۇمكىندىك بەرەدى. دەمەك، كۇنتىزبە بويىنشا كۇزدە اسكەردەن كەلگەن سوڭ، ولار وقۋعا تۇسە الادى. ال بۇرىنعى اسكەري قىزمەتشىلەر جوعارى وقۋ ورىندارىنىڭ اسكەري كافەدراسىندا تەگىن وقۋ مۇمكىندىگىنە يە بولادى.
«جەكە قاسيەتتەرىنە، ۇلگىلى تارتىبىنە جانە مەرزىمدى اسكەري قىزمەتىن وتەۋ كەزەڭىندە جاۋىنگەرلىك دايارلىقتا قول جەتكىزگەن جوعارى ناتيجەلەرىنە قاراي اسكەري قىزمەتشىلەرگە جوعارى وقۋ ورنىنىڭ گرانتى ەسەبىنەن تەگىن جوعارى ءبىلىم الۋ مۇمكىندىگى بەرىلەدى. مۇنداي جاستارعا قورعانىس مينيسترلىگىنىڭ اسكەري وقۋ ورىندارىنا ەمتيحانسىز جانە ۇ ب ت- نى ەسەپكە الماي- اق وقۋعا ءتۇسۋ مۇمكىندىگى ۇسىنىلادى. اسكەري وقۋ ورىندارىنا ەمتيحانسىز ءتۇسۋ جانە ازاماتتىق جوعارى وقۋ ورىندارىندا وقۋ گرانتىن الۋ كەزىندە اسكەري قىزمەتشىلەردىڭ وتان الدىنداعى بورىشىن وتەگەن بالالارىنا دا باسىمدىق بەرىلەدى دەپ وتىر. جوبانى ىسكە اسىرۋ ءبىلىم بەرۋ سالاسىنداعى زاڭناماعا وزگەرىستەر ەنگىزۋدى تالاپ ەتپەيدى»، - دەلىنگەن حابارلامادا.
ۆەدومستۆونىڭ اتاپ وتۋىنشە، ەلىمىزدىڭ بارلىق وڭىرىندەگى قىرىققا جۋىق جوعارى وقۋ ورنى اسكەري بورىشىن وتەگەن ازاماتتارعا ءبىلىم الۋعا جەڭىلدىكتەر بەرەتىنىن راستادى.
«قورعانىس مينيسترلىگى ءتيىستى ەرەجەلەرگە وزگەرىستەر ەنگىزۋ جۇمىستارىن باستاپ كەتتى. جوبانى ىسكە اسىرۋ 2023 -جىلدان باستالادى. مۇنداي جەڭىلدىكتەر قازىرگى ۋاقىتتا بورىشىن وتەپ جۇرگەن ازاماتتارعا جانە 2022 -جىلى اسكەرگە شاقىرىلۋعا جاتاتىن ساربازدارعا بەرىلەتىن بولادى»، - دەدى مينيسترلىكتەن.
