الماتىدا بىرەگەي وپەراتسيا جاسالدى
انىعى، ەستۋ قابىلەتى جوق بالا، سويلەۋدەن دە قالادى. بۇعان دەيىن دە بىرنەشە وپەراتسيانى باستان وتكەرگەن شاپاعاتقا دارىگەرلەر جاقىندا ەستۋگە مۇمكىندىك بەرەتىن يمپلانت قويدى.
ايدانا مامەتنيازوۆا، شاپاعاتتىڭ اناسى:
- بارلىق جەرگە باردىق روسياعا دا، پيتەرگە دە. كىشكەنتاي، ايلىق كەزىندە پيتەرگە بارىپ اپپارات ساتىپ العانبىز، كونتاكت ميني، سول اپپاراتپەن ءبىرازعا دەيىن سول كومەك بولىپ، قازىر سونىڭ ارقاسىندا شامالى سويلەيدى مەملەكەتتەن وسىنداي بومبريدج اپپاراتى ءبولىنىپ، قولداۋ ءبىلدىرىپ، كومەكتەسىپ جاتىر، ۇلكەن العىس بىلدىرەمىز.
الداعى ۋاقىتتا ءبىر ايدان كەيىن ۋستانوۆكاسىن جاسايدى. سودان كەيىن پولنوتسەننو ەستىپ كەتەدى، كەتەمىز بۇيىرتسا. بىرەگەي وپەراتسيا اسفەندياروۆ اتىنداعى مەديتسينا ۋنيۆەرسيتەتىنە قاراستى «اقساي» كلينيكالىق بالالار اۋرۋحاناسىندا جاسالدى. حيرۋرگ دارىگەر ايگۇل مەدەۋلوۆانىڭ ايتۋىنشا، بۇل بالالاردا ىشكى قۇلاقتىڭ ەستۋ نەرۆىسى ساقتالعان. سوندىقتان يمپلانت سۇيەكتىڭ قالىڭدىعىنا ورناتىلادى. ال سۇيەك دىبىستى ىشكى قۇلاققا بەرەدى، سونىڭ ارقاسىندا بالا ەستيدى. ياعني، بۇل سۇيەكتىڭ تىكەلەي وتكىزگىشتىگى پرينتسيپىنە نەگىزدەلگەن يمپلانت.
ايگۇل مەدەۋلوۆا، بالالار اۋرۋحاناسىنىڭ ەمدەۋ ءىسى بويىنشا ديرەكتوردىڭ ورىنباسارى:
- قۇلاقتارىنىڭ اقاۋلارى بولعاندىقتان، قۇلاقتىڭ قالقانى جوق بولعاندىقتان ەستۋ جولدارى جابىق بولعاندىقتان، ارينە ەشقانداي ەستۋ اپپاراتىن ورناتاتىن جەرى جوق. سوندىقتان بۇل قۇلاقتىڭ ساماي سۇيەگىنىڭ ىشىنە يمپلانت قوندىرىلادى. سول ارقىلى سىرتىنداعى ەستۋ پروتسەسسورى بولادى، سول پروتسەسسور ارقىلى بالا 100 پروتسەنت ەستيدى.
كۇردەلى وپەراتسيانىڭ قۇنى 5 ميلليون تەڭگەدەن اسادى. ال شەتەلدە بۇدان بىرنەشە ەسە قىمبات. ءبىراق، ارنايى مەملەكەتتىك باعدارلاما اياسىندا قازاقستاندا بىرەگەي يمپلانت بالالارعا تەگىن قويىلادى. ستاتيستيكاعا سايكەس، ەلىمىزدە قۇلاقتىڭ ءتۋابىتتى اۋىتقۋىمەن دۇنيەگە كەلگەن 86 بالا بار. جىل سوڭىنا دەيىن ولاردىڭ 19 ىنا ەستۋ قابىلەتىن قالپىنا كەلتىرەتىن قۇرىلعى قويىلادى.
www.24.kz
