جىل باسىنان بەرى قازىناعا قانشا تريلليون تەڭگە سالىق تۇسكەنى بەلگىلى بولدى

مەملەكەتتىك كىرىستەر كوميتەتىنىڭ مالىمەتىنشە، 2022-جىلعى 8 ايدا مەملەكەتتىك بيۋجەتكە سالىق ءتۇسىمى 104,5 پايىزعا ورىندالدى. مۇنىڭ جوسپارى 9228,2 ميللياد تەڭگە بولسا، 412,7 ميللياد تەڭگەگە اسىرا تۇسىممەن بۇل كورسەتكىش 9640,9 ميللياد تەڭگەنى قۇرادى. وتكەن جىلعى سايكەس كەزەڭمەن سالىستىرعاندا 1,4 ەسە نەمەسە 2836 ميللياد تەڭگەگە ءوسىم بار.

«تۇسىمدەردىڭ وسۋىنە مىناداي فاكتورلار اسەر ەتتى: وتكەن جىلعى سايكەس كەزەڭمەن سالىستىرعاندا نەگىزگى ەكسپورتتىق پوزيتسيالارعا، ونىڭ ىشىندە مۇنايعا - 60,3 پايىز، مىرىشقا - 29,5 پايىز، اليۋمينيگە - 25,3 پايىز، قورعاسىنعا - 2,7 پايىز، التىن - 2,1 پايىز جانە مىسقا 0,9 پايىز باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 50,5 پايىزعا ءوستى (1 توننا ءۇشىن ورتاشا مولشەرلەمەسى 2021-جىلعى 8 ايىندا - 59,4$، 2022-جىلعى 8-ايىندا - 89,4$)»، - دەپ جازدى ۆەدومستۆودان.

بيىل ءۇشىنشى ەلدەرمەن تاۋار اينالىمى 47,5 پايىزعا وسكەن (ەكسپورت 57,4 پايىزعا، يمپورت 25,5 پايىزعا ءوستى). ال وتكىزۋ بويىنشا اينالىم 29,9 پايىزعا (71571 ميللياد تەڭگەدەن 92978 ميللياد تەڭگەگە دەيىن) ۇلعايدى.

جىل باسىنان بەرگى ە ش ف دەرەكتەرى ويىن-ساۋىق جانە دەمالىس 46,4 پايىزعا، كەن ءوندىرۋ ونەركاسىبى جانە كارەرلەردى قازۋ 35,9 پايىزعا، وزگە دە قىزمەت تۇرلەرىن ۇسىنۋ 34,1 پايىزعا، اۋىل، ورمان جانە بالىق شارۋاشىلىعى 30,4 پايىزعا جانە اقپارات جانە بايلانىس 29,6 پايىزعا ارتقانىن كورسەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى