قازاقستان مەن ا ق ش ىنتىماقتاستىعىنا تىڭ سەرپىن بەرۋ قاجەت - ەركىن تۇقىموۆ
بۇل تۋرالى ق ر پرەزيدەنتى تەلەراديوكەشەنىنىڭ «ءۇش ساۋال» جوباسىنىڭ قوناعى ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەركىن تۇقىموۆ ايتتى، دەپ حابارلايدى قازاقپارات ءتىلشىسى.
«ا ق ش پەن قازاقستان اراسىنداعى ءوزارا ءىس-قيمىلعا كەلەتىن بولساق، تاۋەلسىزدىك العان كۇننەن باستاپ بارلىق كەزەڭدە ساياسي، ەكونوميكالىق جانە گۋمانيتارلىق سالالاردا وتە جاقسى قارىم-قاتىناس قالىپتاستى. ا ق ش- پەن قارىم-قاتىناستى ەڭ الدىمەن ۇلتتىق مۇددەمىز ماقساتىندا دامىتامىز. ءبىزدىڭ بارلىق شەتەلدىك سەرىكتەستەرىمىزدىڭ ىشىندەگى ەڭ ۇلكەن ينۆەستيتسيالار - بۇل امەريكالىق ينۆەستيتسيالار. وتاندىق نارىقتا كوپتەگەن نەگىزگى ترانسۇلتتىق كورپوراتسيالار بار. ءبىزدىڭ ارامىزدا ءبىلىم بەرۋ سالاسىنداعى ىنتىماقتاستىق تا جاقسى دامىپ كەلەدى»، - دەدى ەركىن تۇقىموۆ.
سپيكەر امەريكا قۇراما شتاتتارى جاڭا تەحنولوگيالارعا يە جەتەكشى جاھاندىق دەرجاۆا بولعانىن جانە بولىپ قالا بەرەتىنىنە نازار اۋداردى. سوندىقتان ەلىمىزدە تەحنولوگيالىق كومپانيالاردىڭ وكىلدىكتەرىن اشۋ، شيكىزاتتىق ەمەس سالاعا ينۆەستيتسيالار تارتۋ ماڭىزدى ەكەنىن اتاپ ءوتتى.
«ا ق ش- پەن ساياسي قاتىناستاردى دامىتۋ ماسەلەلەرىندە جوعارى دەڭگەيدەگى ساپارلار ەكىجاقتى قاتىناستار ساپاسىن جاقسارتۋعا ىقپال ەتۋى ءتيىس دەپ ويلايمىن. بىزگە قارىم-قاتىناستارىمىزدى جاڭا، نەعۇرلىم جوعارى دەڭگەيگە شىعارۋعا تىرىسۋ قاجەت. ەكى ەل اراسىنداعى ستراتەگيالىق قاتىناستاردى دامىتۋ كەرەك. مەنىڭشە، بۇل ءبىز ءۇشىن دە، امەريكا قۇراما شتاتتارى ءۇشىن دە ماڭىزدى»، - دەدى ق س ز ي باسشىسى.
