س ق و-دا ەڭبەك اۋىلىنىڭ تۇرعىندارى گولوۆكينگە ەرەكشە قولداۋ كورسەتتى - ۆيدەو
س ق و-نىڭ جەرگىلىكتى پابليكتەرىنىڭ بىرىندە قىزىقتى بەينەجازبا تارادى.
روليك اۆتورىنىڭ ايتۋىنشا، شال اقىن اۋدانى ەڭبەك اۋىلىنىڭ تۇرعىندارى گەننادي گولوۆكيننىڭ جانكۇيەرلەرى. ءبىراق قازىر وڭىردە قوي قىرقۋ ناۋقانى قىزۋ ءجۇرىپ جاتىر. تۇرعىندار اشىق، جىلى كۇندەردى پايدالانىپ قالماق. سول سەبەپتى جەكسەنبىدە تاڭەرتەڭ بولعان سۇيىكتى بوكسشىلارىنىڭ ويىنىن قۇر جىبەرمەۋ ءۇشىن ولار تەلەديداردى دالاعا شىعارىپ، گەنناديگە دە قولداۋ ءبىلدىردى، قويلارىن دا قىرىقتى. ءتىپتى ءبىر ءسات قايشىلارىن قويىپ، تىك تۇرىپ، گيمندى دە قوسىلا شىرقادى.
جالپى پەتروپاۆلدا گولوۆكين مەن كانەلونىڭ جۇدىرىقتاسۋىن «QYZYLJAR» ارت- ورتالىعىندا تىكەلەي ەفيردەن تاماشالاۋعا مۇمكىندىك جاسالدى. سونداي- اق جانكۇيەرلەر اراسىندا گولوۆكينگە قولداۋ كورسەتكەن ۇزدىك بەينەجازباعا، فوتوعا بايقاۋ ۇيىمداستىرىلدى. ءبىرىنشى ورىن العانعا بوكسشى قولعابى، ەكىنشى ورىنعا ارنايى سپورتشى بينتى، ءۇشىنشى ورىنعا سەكىرگىش جۇلدەگە تىگىلدى. ءبىراق، ۇيىمداستىرۋشىلاردىڭ ايتۋىنشا، بايقاۋعا قاتىسۋعا تىلەك بىلدىرۋشىلەر بولماعان.
وسىعان دەيىن «GGG- كانەلو» تريلوگياسىنا نۇكتە قويىلعانى تۋرالى جازدىق.
