قىرعىزستاندا ۇلتتىق ازا تۇتۋ كۇنى جاريالاندى
قىرعىزستان پرەزيدەنتى سادىر جاپاروۆ قول قويعان جارلىققا سايكەس، ۇلتتىق ازا تۇتۋ كۇنى ەلدىڭ بۇكىل اۋماعىندا، سونداي- اق شەت ەلدەردەگى ديپلوماتيالىق جانە كونسۋلدىق مەكەمەلەر عيماراتتارىندا رەسپۋبليكانىڭ مەملەكەتتىك تۋى تومەن ءتۇسىرىلىپ، ويىن- ساۋىق مەرەكەلەرى وتكىزىلمەيدى، كوڭىل كوتەرەتىن تەلە- راديوباعدارلامالار كورسەتىلمەيدى.
بۇعان دەيىن حابارلاعانىمىزداي، قىرعىزستان مەن تاجىكستان پرەزيدەنتتەرى سامارقانداعى شاڭحاي ىنتىماقتاستىق ۇيىمىنىڭ (ش ى ۇ) ءسامميتى اياسىندا قىرعىز- تاجىك شەكاراسىنداعى جاعداي بويىنشا كەلىسسوزدەر جۇرگىزدى.
ايتا كەتەيىك، تاجىكستان مەن قىرعىزستان شەكاراسىنداعى قاقتىعىس سارسەنبى، 14- قىركۇيەكتە باستالعان بولاتىن. قىرعىزستان شەكارا قىزمەتى تاجىك اسكەريلەرىن ورتاق شەكارانىڭ بەلگىلەنبەگەن ۋچاسكەسىندە پوزيتسيا ۇستاندى دەپ ايىپتادى. تاجىك تاراپى ءوز ساربازدارىنا سەبەپسىز وق جاۋدىرعانىن العا تارتادى.
اۆتور
گۇلنۇر عازيز قىزى
