سەمەيدە قايتا قۇرىلعان «ەلىماي» فۋتبول كلۋبى ءبىرىنشى ليگاعا قاتىسۋعا نيەتتى
اباي وبلىسى اكىمدىگىنىڭ مالىمەتىنە سۇيەنسەك، سەمەيدە قالا كۇنىنە وراي بالالار اراسىندا فۋتبولدان تۋرنير ءوتتى. شارا الدىندا قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆتىڭ اتىنا بيىل قايتا جاندانعان «ەلىماي» فۋتبول كلۋبىن ءبىرىنشى ليگاعا قاتىستىرۋ تۋرالى وتىنىشكە قول قويىلدى.
تۋرنيردەن بولەك، بالالار ءۇشىن تەگىن داستارحان جايىلىپ، اكۆاگريم، فوتوايماق پەن قىزىقتى بايقاۋلار ۇيىمداستىرىلدى. بۇلتسىز ءارى جىلى كۇندە بالالار دوپ تەۋىپ، ەرەكشە دەمالىپ قايتتى.
«قالا حالقى وسىنداي شارالاردى ساعىندى. بالالار - ءبىزدىڭ باستى بايلىعىمىز. بۇل تۋرنير ەندى جىل سايىن وتكىزىلىپ تۇرادى»، - دەدى ايماق باسشىسى نۇرلان ۇرانحايەۆ.
سونداي- اق شاراعا سەمەي فۋتبولىنىڭ اتى اڭىزعا اينالعان شاكىرتى سامات سماقوۆ قاتىستى.
اۆتور
تالعاتجان مۇحامەتبەك ۇلى
