گولوۆكين «كاسىپقوي بوكستى ءارى قاراي جالعاستىراسىڭ با؟» دەگەن سۇراققا جاۋاپ بەردى

مەكسيكالىق ساۋل الۆارەستەن ەكىنشى رەت جەڭىلىس تاپقاننان كەيىن قازاقستاندىق بوكسشى گەننادي گولوۆكين كاسىپقوي بوكستان ءالى كەتپەيتىنىن مالىمدەدى.

«كاسىپقوي بوكستاعى مانسابىڭ ءارى قاراي جالعاسا ما؟»، - دەپ سۇرادى كەش جۇرگىزۋشىسى ايقاستان كەيىنگى سۇحباتتا.

«ارينە، مەنىڭ ۇلكەن جوسپارلارىم بار. كوزدەپ جۇرگەن قارسىلاستارىم كوپ. «كانەلونى» قۇتتىقتايمىن جانە بۇكىل بوكس جانكۇيەرلەرىن قۇتتىقتايمىن. جىگىتتەر، ەستەرىڭدە بولسىن، مەنىڭ ورتا سالماقتا ءۇش بەلبەۋىم بار. مەن ءالى ورالامىن. مەنى ءالى دە بولسا چەمپيونمىن»، - دەدى گولۆوكين.

ەسكە سالساق، گولوۆكين boxingnews24.com سايتىنداعى سۇحباتىندا جانكۇيەرلەر قالاسا، ساۋل الۆارەسپەن ءتورتىنشى جەكپە-جەككەدە شىعۋعا ءازىر ەكەنىن مالىمدەگەن.

سوعان قاراماستان، گولوۆكيننىڭ كەيىنگى 4-جەكپە-جەگىنە ستريمينگ قىزمەتىن ۇسىنىپ كەلگەن DAZN كومپانياسى جوسپارلانعان التى بوكس كەشىنىڭ ەرتەڭگى بەسىنشىسىنەن كەيىن «GGG» - مەن اراداعى كەلىسىمشارتتى توقتاتاتىن بولدى.

گولوۆكين- الۆارەس بوكس كەشىندە تاعى ءبىر قازاقستاندىق 27 جاستاعى ءالي احمەدوۆ امەريكالىق گابريەل روسادونى (26-15-1، 15 ك و) جەڭدى.

اۆتور ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى