استانالىقتار گولوۆكين- الۆارەس بوكس كەشىن ۇلكەن ەكران ارقىلى تاماشالاۋدا
تاڭ اتا جينالعان GGG جانكۇيەلەرلەر تىكەلەي كورسەتىلىمدى ۇلكەن لەد ەكران ارقىلى تاماشالاۋدا. كەلۋشىلەردىڭ كوڭىل- كۇيى كوتەرىڭكى جانە قولدارىندا مەملەكەتتىك تۋ بار.
ۇيىمداستىرۋشىلاردىڭ ايتۋىنشا، گەنناديي گولوۆكيننىڭ جەكپە- جەگىن اشىق كورسەتىلىم ارقىلى تاماشالاۋعا شامامەن 600 ادام جينالعان.
«جەكپە- جەكتى اسىعا كۇتتىم. گەنانىڭ جەڭىسىنە سەنىمدىمىن، دەگەنمەن قوبالجۋ بار. ونىڭ كاسىبيلىگى مەن دەڭگەيىنە ەشكىمنىڭ كۇمانى جوق. بوكس كەشىن تاماشالاۋعا دوستارىممەن كەلدىم. گەننادييدىڭ بارلىق جەكپە- جەگىن جىبەرمەي كورەمىز. ادەت بويىنشا كەلىپ تۇرمىز. كورەرمەندەردىڭ ەسىندە قالاتىن بوكس كەشى بولادى دەگەن ويدامىن. ارينە، گەناعا جەڭىس تىلەيمىن. العا GGG، قازاقستان سەنىمەن بىرگە!»، - دەدى اشىق كورسەتىلىمدى تاماشالاۋعا كەلگەن استانالىق سابىر قادىرجانوۆ.
ەسكە سالساق، «GGG- كانەلو» تريلوگياسىن «Qazaqstan» جانە «Qazsport» تەلەارنالارى تىكەلەي ەفيردە كورسەتىپ جاتىر.
گولوۆكين- الۆارەس بوكس كەشىندە تاعى ءبىر قازاقستاندىق ونەر كورسەتەدى. 27 جاستاعى ءالي احمەدوۆ امەريكالىق گابريەل روسادونى (26-15-1، 15 ك و) جەڭدى.
گولوۆكين boxingnews24.com سايتىنداعى سۇحباتىندا جانكۇيەرلەر قالاسا، ساۋل الۆارەسپەن ءتورتىنشى جەكپە- جەككە شىعۋعا ءازىر ەكەنىن مالىمدەگەن.
