كولىك پوليتسەيلەرى الماتى وبلىسىندا جاسىرىن ورىننان قارۋ-جاراق تاپتى
ق ر ءى ءى م كولىكتەگى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى قونايەۆ قالاسىنىڭ ماڭىندا جەدەل ىزدەستىرۋ ءىس-شارالارىن جۇرگىزۋ بارىسىندا قۇرىلىس قالدىقتارىنىڭ ءۇيىندىسى اۋماعىندا تەرىگە ورالعان تەگىس ۇڭعىلى 4 اڭشىلىق مىلتىق پەن 12-كاليبرلى 22 وق-ءدارى تاۋىپ تاركىلەدى.
كولىكتەگى پوليتسيا دەپارتامەنتىنىڭ باستىعى، پوليتسيا گەنەرال-مايورى وڭال بەكەيەۆتىڭ ءمالىم ەتكەنىندەي، اتالعان دەرەك بويىنشا ق ر ق ك 287-بابى 3-بولىگىنە (قارۋ مەن وق-دارىلەردى زاڭسىز ساقتاۋ) سوتقا دەيىنگى تەرگەۋ امالدارى جۇرگىزىلۋدە.
«قازىرگى كەزدە قارۋ مەن وق-دارىلەردى ساقتاۋعا قاتىسى بار ادامدار انىقتالۋدا. الىنعان زاتتاي دالەلدەمەلەر سوت-بالليستيكالىق ساراپتاماعا جىبەرىلدى»، - دەدى قازاقپارات تىلشىسىنە و. بەكەيەۆ.
ەسكە سالا كەتەيىك، بۇدان بۇرىن ەلوردادا جولاۋشىعا ءتيىسىپ، بالاعاتتاعان جۇك تيەۋشىنىڭ جاۋاپقا تارتىلعانىن جازعان بولاتىنبىز.
