ت م د ەلدەرى ىشىندە اسكەرى ەڭ مىقتى مەملەكەت قايسى؟
بۇل ءبىرىنشى رەت ەمەس. كەيىنگى بىرنەشە جىل ىشىندە وزبەكستان كوشباسشى بولا باستادى، ودان كەيىن قازاقستان تۇر، - دەپ حابارلايدى Finprom.kz.
اسكەر ۇلتتى، ۇلتتىق مۇددەنى قورعاۋ جانە اسكەري مىندەتتەردى ورىنداۋ ءۇشىن كەرەك. ورتالىق ازيا ەلدەرىنىڭ اراسىندا، اسىرەسە، قىرعىزستان مەن تاجىكستان اراسىندا ءالى دە شەكارادا شيەلەنىس بار.
قالىپتاسقان جاعداي Global Firepower ۇسىناتىن كەيىنگى دەرەكتەرگە سايكەس ورتالىق ازيا ەلدەرىنىڭ اسكەري قۋاتىن قايتا قاراۋدى جانە باعالاۋدى تالاپ ەتەدى. بۇل حالىقارالىق ۇيىم ءار ەلدىڭ قۇرلىقتا، تەڭىزدە جانە اۋادا سوعىسۋعا قابىلەتىن باعالايدى.
رەيتينگكە سايكەس، ورتالىق ازيانىڭ بەس ەلى 142 ورىننىڭ ىشىندە 55 پەن 111-ورىندار اراسىندا ورنالاسقان. بيىل ا ق ش اسكەرى ەڭ كۇشتى دەپ تانىلعان، ال يسلانديا سوڭعى ورىنعا يە بولعان. يسلانديادا تۇراقتى اسكەر جوق. وعان سەبەپ - بۇل مەملەكەتتىڭ حالقى قارۋلى كۇشتەرگە يە بولۋ ءۇشىن تىم از (شامامەن 360 مىڭ ادام). سونىمەن قاتار، ەل بارلىق جاعىنان سۋمەن قورشالعان جانە ناتوعا كىرەدى، بۇل ونى قورعايدى.
Global Firepower يندەكسى قارجىلىق كورسەتكىشتەردەن باستاپ لوگيستيكالىق مۇمكىندىكتەر مەن گەوگرافياعا دەيىن 50 دەن اسا فاكتوردى پايدالانادى. يندەكس نەعۇرلىم از بولسا، ەلدىڭ تەوريالىق جاۋىنگەرلىك الەۋەتى سوعۇرلىم كۇشتى بولادى. رەيتينگ يادرولىق قارۋدى ەسكەرمەيدى.
ورتالىق ازيادا وزبەكستان از ينۆەستيتسيامەن ەڭ جوعارى ناتيجە كورسەتىپ وتىر. بۇگىندە قازاقستان ەڭ ۇلكەن قورعانىس بيۋجەتىنە يە، شامامەن 3,9 ميلليارد دوللار بولادى. بۇل وزبەكستانعا قاراعاندا، شامامەن 5,6 ەسە كوپ، ونىڭ بيۋجەتى نەبارى - 693 ميلليون دوللار. سونىمەن قاتار، قازاقستاننىڭ رەيتينگتەگى ورنى وزبەكستاننان توعىز ورىنعا تومەن. تاجىكستاندا 407 ميلليون، قىرعىزستاندا 116 ميلليون جانە تۇرىكمەنستاندا 90 ميلليون قارجى قارۋلى كۇشتەردى ۇستاۋعا بولىنەدى.
اسكەري قىزمەتشىلەردىڭ سانى بويىنشا قازاقستان وزبەكستاننان 12 مىڭ ادامعا ارتىق. بۇل ايىرماشىلىق شامامەن تاجىكستانداعى اسكەري قىزمەتشىلەردىڭ جالپى سانىنا تەڭ (وندا 15 مىڭ ادام).
اسكەر كۇشى اۋە، قۇرلىق جانە اسكەري-تەڭىز كۇشتەرىنىڭ سانى بويىنشا دا باعالانادى. اسكەري-تەڭىز كۇشتەرى ورتالىق ازيانىڭ ەكى ەلىندە - قازاقستان مەن تۇرىكمەنستاندا بار. ءدال وسى مەملەكەتتەر كاسپي تەڭىزىنە شىعا الادى. ەكى ەلدىڭ اسكەري- تەڭىز كۇشتەرى پاترۋل كەمەلەرىنەن تۇرادى. قازاقستاندا ولاردىڭ 15 ءى بار، ولاردىڭ ەكەۋى - ميناعا قارسى قورعانىس كەمەلەرى. تۇرىكمەنستاندا 25 پاترۋل بار.
اۋە كۇشتەرىنە كەلەتىن بولساق، قازاقستاندا كوپتەگەن اسكەري كولىك بار. وزبەكستانداعى سياقتى تىكۇشاقتار، شابۋىلداۋشىلار، يسترەبيتەلدەر مەن ۇشاقتار دا بار. Global Firepower مالىمەتتەرى بويىنشا قىرعىزستان اۋە كۇشتەرىندە تەك التى تىكۇشاق بار.
سونىمەن قاتار، تۇرىكمەنستان قۇرلىق اسكەرلەرى كولىكتەرىنىڭ سانى بويىنشا كوش باستاپ كەلەدى، وندا 3,4 مىڭ تەحنيكا بار. قازاقستانعا قاراعاندا 23 پايىزعا جانە وزبەكستانعا قاراعاندا 44 پايىزعا ارتىق.
