ەلوردا اۋەجايىنىڭ كودى قالا بەرەدى - يندۋستريا مينيسترلىگى
«استانا اۋەجايىنىڭ كودى NQZ بولىپ ساقتالادى. قازىرگى ۋاقىتتا كودتى وزگەرتۋ ماسەلەسى جوق»، - دەدى مينيسترلىكتىڭ باسپا ءسوز قىزمەتى.
بۇعان دەيىن پارلامەنت دەپۋتاتتارى كونستيتۋتسيالىق وزگەرىستەردى قابىلداعانى حابارلانعان بولاتىن. زاڭ جوباسى شەڭبەرىندە ءۇش باعىت قارالدى:
ءبىرىنشىسى، كەيىننەن قايتا سايلانۋ قۇقىعىنسىز ۇزاقتىعى 7 جىل بولاتىن ءبىر پرەزيدەنتتىك مەرزىم تۋرالى ەرەجە؛
ەكىنشىسى، كونستيتۋتسيالىق سوتتىڭ سۋديا بولىپ قايتا تاعايىندالۋىنا شەكتەۋ بەلگىلەي وتىرىپ، كونستيتۋتسيالىق سوت سۋديالارىنىڭ وكىلەتتىك مەرزىمدەرىن 8 جىلعا دەيىن ۇلعايتۋ؛
ءۇشىنشىسى، قازاقستان استاناسىنىڭ اتاۋىن وزگەرتۋ.
ايتا كەتەيىك، 2017-جىلى ق ر ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى حالىقارالىق اۋە كولىگى قاۋىمداستىعىمەن (IATA) ك س ر و داۋىرىنەن بەرى اۋىسپاي كەلە جاتقان استانا جانە قازاقستاننىڭ وزگە دە قالالارىنداعى اۋەجايلار كودىن وزگەرتۋ جونىندە كەلىسسوزدەردى باستادى.
كەيىن، حالىقارالىق اۋە كولىگى قاۋىمداستىعىنىڭ (ياتا) 2020-جىلعى 6- ساۋىردەگى ارنايى حابارلاماسىنا سايكەس، نۇر-سۇلتان نازاربايەۆ حالىقارالىق اۋەجايىنىڭ قولدانىستاعى TSE ءۇش ءارىپتى كودىن NQZ- گە وزگەرتۋ تۋرالى تۇپكىلىكتى شەشىم قابىلداندى.
