ش ى ۇ بەلارۋستى ۇيىمعا ەنگىزۋ پروتسەسىن باستادى
بۇل پىكىردى ش ى ۇ- عا مۇشە مەملەكەتتەر باسشىلارى كەڭەسىنىڭ وتىرىسىندا وزبەكستان پرەزيدەنتى شاۆكات ميرزيەيەۆ ايتتى، دەپ حابارلايدى قازاقپارات اگەنتتىگىنىڭ مەنشىكتى ءتىلشىسى.
«ش ى ۇ اشىقتىق قاعيداتتارىن بەرىك ۇستانۋىنىڭ ارقاسىندا قاتىسۋشى ەلدەر اراسىنداعى ءوزارا ءتيىمدى قاتىناستاردى نىعايتادى جانە حالىقارالىق ىنتىماقتاستىقتى تەرەڭدەتەدى. ش ى ۇ- نىڭ قۇرامى كەڭەيىپ كەلەدى، ءبىزدىڭ سەرىكتەستىك بايلانىستارىمىز دامىپ جاتىر»، - دەدى وزبەكستان باسشىسى.
ول يران يسلام رەسپۋبليكاسىنىڭ ش ى ۇ- نىڭ تولىققاندى مۇشەسى رەتىندەگى مىندەتتەمەلەرى تۋرالى، ەگيپەت اراب رەسپۋبليكاسى مەن كاتارعا ديالوگ بويىنشا ارىپتەستەر مارتەبەسىن بەرۋ تۋرالى مەموراندۋمدارعا قول قويۋدىڭ تاريحي ماڭىزدىلىعىن اتاپ ءوتتى.
«ودان بولەك، ءبىز بەلارۋس رەسپۋبليكاسىنا ش ى ۇ- نىڭ تولىق قۇقىلى مۇشەسى مارتەبەسىن، ال باحرەين كورولدىگىنە، كۋۆەيت مەملەكەتىنە، مالديۆ رەسپۋبليكاسىنا، بىرىككەن اراب امىرلىكتەرىنە جانە ميانما وداعى رەسپۋبليكاسىنا - ديالوگ بويىنشا ارىپتەستەر مارتەبەسىن بەرۋ راسىمدەرىن باستاۋ شەشىمدەرىن قابىلداپ جاتىرمىز»، - دەپ مالىمدەدى شاۆكات ميرزيەيەۆ.
«ش ى ۇ- نىڭ گەوگرافيالىق اۋقىمىن كەڭەيتۋ - تيىمدىلىكتى، ءوزارا تۇسىنىستىك پەن ءديناميزمدى كورسەتەتىن ءبىزدىڭ ۇيىمنىڭ قاجەتتىلىك بارىن تاعى ءبىر ايعاقتايدى»، - دەپ اتاپ ءوتتى وزبەكستان پرەزيدەنتى.
ايتا كەتەيىك، 15-16- قىركۇيەك كۇندەرى سامارقاند قالاسىندا شاڭحاي ىنتىماقتاستىق ۇيىمىنىڭ ءسامميتى وتەدى. سامارقاند ءسامميتى ۇيىم قىزمەتىندەگى تاريحي جيىن بولماق. بۇل وتىرىس كوروناۆيرۋس پاندەمياسى باستالعاننان كەيىنگى سوڭعى ءۇش جىلداعى ش ى ۇ باسشىلارىنىڭ العاشقى كەزدەسۋى بولدى.
بۇل شاراعا العاش رەت 14 ەلدىڭ باسشىلارى، سونداي-اق 10 بەدەلدى حالىقارالىق ۇيىم باسشىلارى قاتىسادى. كۇن تارتىبىنە سايكەس، ۇيىمنىڭ قىزمەتىن دامىتۋ جانە كەڭەيتۋ جونىندەگى قوماقتى قۇجاتتار پاكەتىن قابىلداۋ كوزدەلگەن، بۇل ش ى ۇ ءۇشىن جاڭا ءداۋىردىڭ باستاماسى بولادى.
