گەننادي گولوۆكين كەلىسىمشارتىن مەرزىمىنەن بۇرىن بۇزباق
18-قىركۇيەك كۇنى تاڭەرتەڭ گەننادي گولوۆكين ەكىنشى ورتا سالماقتا ابسوليۋتتى چەمپيون اتاعى ءۇشىن ساۋل «كانەلو» الۆارەسپەن ءۇشىنشى رەت جۇدىرىقتاسادى. بۇل جەكپە- جەك GGG ءۇشىن DAZN مەن كەلىسىم بويىنشا بەسىنشى جانە سوڭعى جەكپە- جەك بولادى.
«سەنبى كۇنى كەشكە ونىڭ مانسابى اياقتالمايدى، گولوۆكين الۆارەسپەن ءۇشىنشى جەكپە- جەك ونىڭ DAZN مەن ەكسكليۋزيۆتى كەلىسىمشارتىن اياقتايتىنىن ايتتى. گولوۆكين مەن DAZN 2019 جىلدىڭ ناۋرىز ايىندا التى جەكپە- جەككە كەلىسىم جاسايتىندىعىن جاريالادى، وعان سايكەس گەننادييگە 100 ميلليوننان استام ا ق ش دوللارى تولەنۋى كەرەك ەدى، ءبىراق ول وسى سەنبىدە ستريمينگ قىزمەتىندەگى بەسىنشى شوۋىنان كەيىن اياقتالادى»، - دەلىنگەن.
بۇعان دەيىن قازاقستاندىق بوكسشى گەننادي گولوۆكين مەن مەكسيكالىق ساۋل «كانەلو» الۆارەس اراسىنداعى ءۇشىنشى جەكپە- جەك لاس- ۆەگاستا وتەتىنى حابارلانعان بولاتىن. ول 18-قىركۇيەكتە نۇر- سۇلتان ۋاقىتى بويىنشا ساعات 05:00 گە جوسپارلانعان، باستى جەكپە- جەك 08:00 دەن كەيىن باستالادى.
بوكسشىلاردىڭ جۇدىرىق تۇيىستىرگەنىن Qazsport جانە Qazaqstan تەلەارنالارىنان تاماشالاۋعا بولادى.
