بىتىمگەرلىك وپەراتسيالارعا قاتىساتىن اسكەريلەردى ىرىكتەۋ ەرەجەسى بەكىتىلەدى
ق ر قورعانىس مينيسترلىگى «بىتىمگەرشىلىك وپەراتسيالارىنا قاتىسۋ ءۇشىن قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرىن ىرىكتەۋدى جۇرگىزۋ قاعيدالارىن بەكىتۋ تۋرالى» بۇيرىق جوباسىن ازىرلەدى.
اتالعان ۆەدومستۆونىڭ حابارلاۋىنشا، قۇجات قاعيدالارى قازاقستان رەسپۋبليكاسى ۇكىمەتىنىڭ 2022 -جىلعى 2-ماۋسىمداعى №357 قاۋلىسىنا سايكەستەندىرۋ ماقساتىن كوزدەيدى.
اسكەري قىزمەتشىلەردى ىرىكتەۋدىڭ ەرەجەسىن بەكىتۋ تۋرالى بۇيرىق جوباسىمەن تولىعىراق «ەلەكتروندىق ۇكىمەت» ۆەب- پورتالىنىڭ «اشىق ن ق ا» بولىمىندە تانىسۋعا بولادى.
«بىتىمگەرشىلىك وپەراتسيالارعا قاتىسۋ ءۇشىن قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرىن ىرىكتەۋ ءتارتىبى قاعيدالارى نەگىزىندە ايقىندالادى. اسكەري قىزمەتشىلەر بەكىتىلگەن قاعيدالارعا سايكەس ىرىكتەۋدەن وتەدى جانە «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» قازاقستان رەسپۋبليكاسىنىڭ زاڭىنا، سونداي- اق قازاقستان رەسپۋبليكاسى ۇكىمەتىنىڭ 2016 -جىلعى 10-ماۋسىمداعى №345 قاۋلىسىمەن بەكىتىلگەن بىتىمگەرشىلىك وپەراتسيالارعا دايىندىق قاعيدالارىنا سايكەس بىتىمگەرشىلىك وپەراتسيالارعا قاتىسادى»، - دەپ جازىلعان «اشىق ن ق ا» سايتىندا.
وسىلايشا اتالعان ماسەلە قوعام نازارىنا ۇسىنىلىپ وتىر. 10 كۇننەن بۇيرىق جوباسى قولدانىسقا ەنگىزىلەدى.
«اسكەري قىزمەتشىلەردى ىرىكتەۋدى جوسپارلاۋ جانە ىسكە اسىرۋ، جالپى بىتىمگەرشىلىك قىزمەت ماسەلەلەرىنە ق ر قورعانىس مينيسترلىگى جەتەكشىلىك ەتەدى. مينيسترلىك قازاقستان رەسپۋبليكاسى قارۋلى كۇشتەرى باس شتابى، قازاقستان رەسپۋبليكاسى قارۋلى كۇشتەرى جانە باسقا دا بولىمشەلەرمەن ءوزارا ءىس- قيمىل جاساي وتىرىپ، بىرىككەن ۇلتتار ۇيىمىنان جانە باسقا دا حالىقارالىق ۇيىمداردان سۇراۋ سالۋلاردىڭ كەلىپ تۇسۋىنە قاراي جۇزەگە اسىرادى»، - دەلىنگەن قۇجاتتا.
