شىمكەنتتە اشىق تۇرعان تەرەزەدەن ءسابيدى قۇتقارعان جىگىتتەردىڭ ارەكەتى كوپشىلىكتى ءسۇيسىنتتى
وقيعا شىمكەنت قالاسىنداعى كوپقاباتتى تۇرعىن ۇيلەردىڭ بىرىندە بولعان. ەكىنشى قاباتتاعى اشىق تۇرعان تەرەزەنىڭ جاقتاۋىندا وتىرعان ءبۇلدىرشىندى كورگەن كوپشىلىك، بىردەن كومەك بەرۋگە ۇمتىلعان. كۋاگەرلەردىڭ تۇسىرگەن ۆيدەوسىنان ءجاسوسپىرىم جىگىتتىڭ تەمىر تور ارقىلى ەكىنشى قاباتقا ورمەلەپ شىعىپ، ءبۇلدىرشىندى قاۋىپسىز جەرگە الىپ كەتكەنىن كورۋگە بولادى.
ال، جەلىدەگى جازباعا پىكىر بىدىرۋشىلەر، ءسابيىن قاراۋسىز قالدىرىپ كەتكەن اتا- اناسىن جازالاۋ كەرەكتىگىن ايتسا، كەي وقىرماندار جاس جەتكىنشەكتەردىڭ باتىلدىعىنا ريزاشىلىقتارىن ءبىلدىرىپ، العىس ايتقان. اراسىندا «كۆارتيرا قۇتتى بولسىن!» دەپ ازىلدەگەندەر دە بار.
ايتا كەتەيىك، شىمكەنت قالاسى ت ج د - نە بۇل وقيعا تۋرالى ەشقانداي حابار تۇسپەگەن.
