ەۋروپا ەلدەرى جەل ەنەرگەتيكاسىن دامىتۋعا ەرەكشە كوڭىل بولۋدە
جارتى ايدىڭ ىشىندە ەكى اۋقىمدى باعدارلاما بەكىتىلدى، دەپ حابارلايدى قازاقپارات DW گە سىلتەمە جاساپ حابارلايدى.
سوڭعى ايلاردا اسىرەسە جەل ەنەرگەتيكاسى سالاسىندا ەلەۋلى، ءتىپتى ايتۋلى وقيعالار ورىن الدى. ە و كوپتەگەن ەلدەرىندە، اسىرەسە ونىڭ سولتۇستىك بولىگىندە، تاۋلىك بويى سوققان جەل كۇن مەن گيدروەنەرگەتيكاعا قاراعاندا الدەقايدا پەرسپەكتيۆالى جاڭارتىلاتىن ەنەرگيا كوزى بولىپ تابىلادى. الايدا، جەل گەنەراتورلارى تابيعاتقا زيان كەلتىرەدى، ءبىراق عالىمدار ونى ازايتۋ جولدارىن ىزدەستىرۋدە. اسىرەسە بريتان ارالدارى، سكانديناۆيا جانە قۇرلىقتىق ەۋروپا اراسىندا ورنالاسقان سولتۇستىك تەڭىزدە قاتتى جەل سوعادى. جەل ديىرمەندەرىنىڭ نيدەرلاندىنىڭ ەجەلدەن سيمۆولى بولعانى كەزدەيسوق ەمەس. اتلانت مۇحيتىنىڭ بۇل سالىستىرمالى تۇردە تاياز بولىگىنىڭ جالپى قۋاتتىلىعى 20 گيگاۆاتتقا (گ ۆ ت) جاقىنداعان جەل ەلەكتر ستانتسيالارىنىڭ سانى مەن كولەمى جاعىنان قازىردىڭ وزىندە كونتينەنتتە كوش باستاپ تۇر.
ەۋروپانى قورشاپ تۇرعان باسقا تەڭىزدەر ءۇشىن 20 گ ۆ ت - تىم ۇلكەن كورسەتكىش بولسا، سولتۇستىك تەڭىز ءۇشىن بۇل باستاماسى عانا. 12-قىركۇيەكتە ە و- عا مۇشە بەلگيا، دانيا، گەرمانيا، يرلانديا، ليۋكسەمبۋرگ، نيدەرلاندى، فران سيا جانە شۆەتسيانىڭ، سونداي- اق ە و- پەن كوپتەگەن سالالاردا تىعىز ىنتىماقتاستىق جاسايتىن نورۆەگيانىڭ ەنەرگەتيكا مينيسترلەرى دۋبلين قالاسىندا ءىرى ينۆەستيتسيالىق جوسپاردى كەلىسىپ، جاريالادى.
ول 2030 -جىلى سولتۇستىك تەڭىزدەگى جەل ەلەكتر ستانتسيالارىنىڭ قۋاتى ءتورت ەسە دەرلىك - 76 گ ۆ ت- قا دەيىن ارتاتىنىن، 2040 -جىلعا قاراي 138 گ ۆ ت- قا جەتەتىنىن شامالاپ وتىر. ال 2050 -جىلعا قاراي ە و كليماتتىق بەيتاراپتىققا قول جەتكىزگىسى كەلگەندە، ول 260 گ ۆ ت- قا جەتۋى كەرەك دەپ بولجايدى. ناتيجەسىندە، بۇل باعدارلاما تولىق ورىندالماعان جاعدايدا دا، بۇگىندە ەۋروپانى نەگىزىنەن قۇبىر گازىمەن جانە مۇنايمەن، سونىڭ ىشىندە ەۋروپالىق Brent ماركالى ەتالوندىق مۇنايمەن قامتاماسىز ەتەتىن تەڭىز الىپ «جاسىل ەلەكتر ستانتسياسىنا» اينالادى.
بۇدان ەكى اپتا بۇرىن، 30-تامىزدا كوپەنگاگەندە بالتىق تەڭىزى جاعالاۋىنداعى بارلىق ەلدەردىڭ (رەسەيدەن باسقا) ساياسي جەتەكشىلەرى دە وسىنداي كەلىسىمدەرگە قول جەتكىزدى: بۇل جاعالاۋىن ەكى تەڭىز شايىپ جاتقان گەرمانيا مەن دانيا، سونىمەن قاتار لاتۆيا، ليتۆا، پولشا، فينليانديا، شۆەتسيا جانە ەستونيا.
وسىلايشا، ە و- نىڭ 14 ەلى مەن نورۆەگيا ەۋروپانىڭ سولتۇستىك بولىگىندە اعىمداعى ونجىلدىق پەن كەلەسى شيرەك عاسىرداعى ەلەكتر ەنەرگەتيكاسى دامۋىنىڭ نەگىزىن سالدى.
