كەلەسى پرەزيدەنت كونستيتۋتسياعا وزگەرتۋ ەنگىزە الا ما

پارلامەنت پالاتالارىنىڭ بىرلەسكەن وتىرىسىنان كەيىن ب ا ق وكىلدەرى مينيستردەن: «كەلەسى پرەزيدەنت كونستيتۋتسياعا وزگەرتۋ ەنگىزە الا ما؟» دەپ سۇراعان ەدى.

«كونستيتۋتسيادا كونستيتۋتسيانى «نەشە رەت وزگەرتۋگە بولادى، قاشان وزگەرتۋگە بولادى» دەگەن نورما جوق. ول قوعامنىڭ دامۋىنا بايلانىستى. سوندىقتان، ارينە وزگەرتۋ ەنگىزۋگە بولادى»، - دەپ جاۋاپ بەردى قانات مۋسين.

سونىمەن قاتار ول كەلەسى مەملەكەت باسشىسى پرەزيدەنتتىك مانداتىنىڭ مەرزىمىن جانە ءبىر رەت قانا سايلانۋ قۇقىعىنا قاتىستى نورمانى وزگەرتە المايتىنىن باسا ايتتى.

ايتا كەتەيىك، بۇگىن دەپۋتاتتار «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋ ەنگىزۋ تۋرالى» ق ر زاڭىن قابىلدادى.

وعان سايكەس، پرەزيدەنتتىڭ مانداتى قايتا سايلانۋ مۇمكىندىگىنسىز ءبىر مەرزىمگە شەكتەلىپ، جەتى جىل مەرزىمگە ۇزارتىلادى؛ نۇر- سۇلتان قالاسىنىڭ اتاۋى قايتادان استانا بولىپ وزگەرەدى؛ كونستيتۋتسيالىق سوت سۋديالارىنىڭ وكىلەتتىك مەرزىمى 8 جىلعا دەيىن ۇلعايتىلادى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى