چەحيانىڭ ساراپشىلار قاۋىمداستىعى قاسىم-جومارت توقايەۆتىڭ جولداۋىنا جوعارى باعا بەردى
جيىنعا چەح قوعامىنىڭ، مادەنيەت، ءبىلىم جانە بۇقارالىق اقپارات قۇرالدارى، سونىمەن قاتار «قازاقستان دوستارى كلۋبىنىڭ» وكىلدەرىنىڭ قاتىسۋىمەن دوڭگەلەك ۇستەل ءوتتى، دەپ حابارلايدى قازاقپارات قازاقستاننىڭ چەحياداعى ەلشىلىگىنە سىلتەمە جاساپ.
قازاقستاندىق ديپلوماتتار ءىس-شاراعا قاتىسۋشىلاردى پرەزيدەنت جولداۋىنىڭ نەگىزگى قاعيداتتارىمەن، سونداي-اق ەلدىڭ ساياسي جۇيەسىن جاڭعىرتۋ جونىندەگى رەفورمالارمەن جاقىن تانىستىردى.
چەح ساراپشىلارى قازاقستاندى ودان ءارى دەموكراتيالاندىرۋ باعىتىنىڭ جالعاسى بولىپ تابىلاتىن پرەزيدەنتتىڭ جاڭا ساياسي باعدارلاماسىنا ۇلكەن قىزىعۋشىلىق تانىتتى.
اتاپ ايتقاندا، پارلامەنت سەناتىنىڭ دەپۋتاتى يا. جالوۋديك ءوز سوزىندە: «جولداۋدا قويىلعان مىندەتتەر ولاردىڭ اۋقىمدىلىعى مەن ورشىلدىگى تۇرعىسىنان ماڭىزدى بولىپ كورىنەدى، مەن قازاقستان حالقىنىڭ جولداۋ اياسىندا قويىلعان بارلىق ماقساتتارعا قول جەتكىزە الاتىنىنا سەنىمدىمىن. قازاقستان پرەزيدەنتىنىڭ كەزەكتەن تىس سايلاۋىن وتكىزۋ تۋرالى ۇسىنىستارى ۋاقتىلى جانە رەسپۋبليكا دامۋىنىڭ قازىرگى كەزەڭىندە قاجەت. چەح پارلامەنتى سەناتىنىڭ دەپۋتاتى رەتىندە مەنى دە قازاقستاندىق تاجىريبە قىزىقتىراتىنى ءسوزسىز»، - دەپ اتاپ ءوتتى.
چەح فەدەرالدى تەلەديدارىنىڭ جۋرناليستەرى د. ۆرەستالوۆا مەن د. ستوماتوۆا ءوز سوزدەرىندە: «ق. توقايەۆتىڭ جولداۋىندا باتىل مىندەتتەر تۇر، ءبىلىم بەرۋ، دەنساۋلىق ساقتاۋ سالاسىنداعى الەۋمەتتىك رەفورمالاردى ودان ءارى دامىتۋ باعدارلاماسى ايقىندالعان، قازاقستان حالقى ولاردى ىسكە اسىرۋعا باتىل تۇردە دايىن ەكەنىنە سەنىمدىمىز. قازاقستاندا قالىپتاسقان ساياسي جاڭعىرتۋ جۇيەسى سىندارلى ديالوگ قۇرۋعا ىقپال ەتەدى جانە كوپتەگەن الەۋمەتتىك-ەكونوميكالىق مىندەتتەردى ساپالى ورىنداۋ ءۇشىن قاجەتتى قولايلى جاعدايلار جاسايدى» - دەدى.
ءىس-شارا سوڭىندا ق ر پرەزيدەنتى جولداۋىنىڭ نەگىزگى قاعيداتتارى بويىنشا سىندارلى پىكىر الماسىلدى.
