بالاڭىزدىڭ سالماعى ارتا باستاعاندا نە ىستەۋ كەرەك؟
ەرتە جاستا سەمىزدىكتىڭ بولۋىن قالاي انىقتاۋعا بولادى؟ بالاعا ەندوكرينولوگتىڭ تەكسەرىسىنەن ءوتۋ كەرەك پە؟ بالالار مەن جاس وسپىرىمدەردە قالقانشا بەزىنىڭ قىزمەتى بۇزىلسا، اسەرى قانداي بولۋى مۇمكىن؟ I- BALAQAI شىعارىلىمىندا وسى جانە وزگە دە سۇراقتارعا ساراپشى جاۋاپ بەردى.
گاستروەنتەرولوگيا جانە ەندوكرينولوگيا بويىنشا مامانداندىرىلعان، 20 جىلدىق تاجىريبەسى بار تەراپيەۆت يرينا دوسمانوۆا بالانىڭ فيزيولوگيالىق وزگەرىستەرى تۋرالى ايتىپ، اتا-انالارعا كەڭەس بەردى.
«الدىمەن بالاڭىزدىڭ بەلىن ولشەپ كورىڭىز، بالانىڭ كىشكەنە قارنى بولسا ەشتەڭە ەتپەيدى. ءبىراق بەلىندە، ياعني ەكى جاعىندا ارتىق سالماقتىڭ بولۋى دۇرىس ەمەس. ودان كەيىن بالاڭىزدى ءبىر جاعىنا بۇرىپ قاراپ كورىڭىز، ەگەر قولىندا نەمەسە بوكسەسىنىڭ ۇستىندە ارتىق سالماعى بولسا، بۇل دا دارىگەرگە جۇگىنۋدىڭ سەبەبى. ادەتتە بالالاردىڭ دا تەرىسى وسكەن سايىن جۇقا بولادى، ءبىراق ارتىق سالماعى بار بالالاردىڭ تەرىسى سوزىلعانى بايقالادى. كوبىنە اياق، قول، بەل جاقتا تەرىنىڭ سوزىلعانى بىردەن بايقالادى. ۇشىنشىدەن، بالانىڭ ۇيقىسى قاشادى. سونىمەن قاتار، بالالار ۇيىقتاپ جاتقاندا تەرلەي باستايدى. كەيدە بالالاردىڭ تەرى اسىر سالىپ ويناپ، جۇگىرمەسە دە كوپ اعادى. مۇنداي جاعدايدا بىردەن ەندوكرينولوگقا جۇگىنۋ كەرەك. ونداي كەزدە بالاعا «ءتاتتى جەمە!» دەپ ايتۋعا بولمايدى. دارىگەرگە جۇگىنىپ، بۇكىل وتباسىنىڭ تاماقتانۋ رەجيمىن دۇرىستاۋ كەرەك»، - دەيدى يرينا دوسمانوۆا.
