جامبىل وبلىسىندا اۋەگە وق اتقان ادامنىڭ كىم ەكەنى انىقتالدى
الەۋمەتتىك جەلىلەردە پوليتسيا قىزمەتكەرى ءوز تويىندا اۋەگە قارۋدان وق اتتى دەگەن اقپارات تارادى. جامبىل وبلىسى پوليتسيا دەپارتامەنتى بۇل دەرەككە قاتىستى ق ر قىلمىستىق كودەكسىنىڭ 293-بابى 3-بولىگى بويىنشا سوتالدى تەرگەۋ امالدارىن باستادى.
تەرگەۋ بارىسىندا وق اتقان ەر ادامنىڭ 28 جاستاعى ۋاقىتشا جۇمىسسىز، تاراز قالاسىنىڭ تۇرعىنى ەكەنى انىقتالىپ، ونىڭ پوليتسيا قىزمەتكەرى ەمەسى جانە بۇرىن ىشكى ىستەر ورگاندارىندا جۇمىس جاساماعانى بەلگىلى بولدى.
وق اتىلعان سايگا اڭشى مىلتىعى زاڭ جۇزىندە وسى ەر ادامنىڭ اتىنا تىركەلگەنى جانە 2021-جىلعى 1- ماۋسىمىندا ونى الىپ جۇرۋگە رۇقسات بەرىلگەنى انىقتالدى. قازىر قارۋ تاركىلەنىپ، سوت-بالليستيكا ساراپتاماسى تاعايىندالدى. كۇدىكتى سوت شەشىمىمەن ءۇي قاماققا الىندى.
ونىڭ كىناسى دالەلدەنگەن جاعدايدا ءۇش جىلدان جەتى جىلعا دەيىنگى مەرزىمدە باس بوستاندىعىنان ايىرۋ تۇرىندەگى جازا قاراستىرىلادى.
