ريم پاپاسىنىڭ ۇندەۋى جەر جۇزىندەگى ميلليونداعان ادامعا ءۇمىت پەن سەنىم سىيلاعانى انىق – ق ر پرەزيدەنتى
بۇل تۋرالى ەلوردادا وتكەن الەمدىك جانە ءداستۇرلى دىندەر ليدەرلەرى VII سەزىنىڭ جابىلۋ سالتاناتىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
ق ر پرەزيدەنتى ۆاتيكان باسشىسى، ريم پاپاسى فرانسيسككە ەلىمىزگە جاساعان تاريحي ساپارى جانە سەزد جۇمىسىنا بەلسەنە قاتىسقانى ءۇشىن ريزاشىلىعىن ءبىلدىردى.
«ءسىزدىڭ زور داۋىسىڭىز بەن قۋاتتى ۇندەۋىڭىز الەمنىڭ كوپتەگەن ميلليون ادامى ءۇشىن سەنىم مەن شابىتتانۋ كوزىنە اينالارىنا سەنىمدىمىن. قازاق حالقىنىڭ جانە جەكە ءوز اتىمنان تاعى دا شىنايى العىس بىلدىرەمىن. سەزد جۇمىسىنا ءوزىڭىزدىڭ بەلسەنە قاتىسۋىڭىز ءبىز ءۇشىن زور مارتەبە. ءسىزدىڭ الەم جۇرتشىلىعىنا ارنالعان ۇندەۋىڭىز جەر جۇزىندەگى ميلليونداعان ادامعا ءۇمىت پەن سەنىم سىيلاعانى انىق»، - دەدى قاسىم- جومارت توقايەۆ.
