الماسادام ساتقاليەۆ «سامۇرىق-قازىنا» قورىنىڭ قانشا تريلليون قارىزى بارىن ايتتى

«قازىر قوردىڭ جالپى قارىزى - شامامەن 10 تريلليون تەڭگە. قارىزدىڭ اۋقىمدى ۇلەسى «قازمۇنايگاز» جانە «قازاقستان تەمىر جولى» كومپانياسىنا تيەسىلى. قوردىڭ ودان باسقا دا بورىشتارى بار.

«قازمۇنايگاز» كومپانياسىنا كەلەتىن بولساق، قارجى ءتيىمدى جوبالارعا تارتىلدى. مۇناي باعاسى ايتارلىقتاي جوعارى، سوندىقتان قارىزدى قايتارۋ بويىنشا ەشقانداي كۇمان جوق. جوبالار ءوزىن-ءوزى اقتايدى.

قوردىڭ ءوز قارىزىنا كەلسەك، قارجى «قاشاعان» ۇلەسىن ساتىپ الۋعا تارتىلدى. بۇل ۇلەس «قازمۇنايگاز» ۇلتتىق كومپانياسىنىڭ بازاسى مەن IPO- عا شىعۋ مۇمكىندىگىن ۇلعايتادى»، - دەدى الماسادام ساتقاليەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي-اق، قور باسشىسى «قازاقستان تەمىر جولى» كومپانياسىنىڭ قارىزىنا قاتىستى تۇسىنىك بەردى.

«قازاقستان تەمىر جولى» كومپانياسىنىڭ وبليگاتسيالارىن ساتىپ الدىق. ق ت ج جەلىسى بويىنشا ترانزيت اياسى كەڭەيىپ جاتىر. ق ت ج قىزمەتىنىڭ قىتاي، ەۋروپا بويىنشا ۇلعايۋىن ەسكەرسەك، كومپانيا ءوز قارىزىن تولىق كولەمدە وتەي الادى دەپ ەسەپتەيمىز»، - دەيدى ول.

بۇعان دەيىن «سامۇرىق-قازىنا» ۇ ءا ق باسشىسى ەلىمىزدە اتوم ەلەكتر ستانتسياسىن سالۋ جوباسى اياسىنداعى جۇمىس باستالعانى تۋرالى ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى