قازاقستاندا اتوم ەلەكتر ستانتسياسى قۇرىلىسى جوباسىن ىسكە اسىرۋ باستالدى
بۇل تۋرالى «سامۇرىق-قازىنا» ۇ ءا ق» ا ق باسقارما ءتوراعاسى الماسادام ساتقاليەۆ ءمالىم ەتتى، دەپ حابارلايدى قازاقپارات ءتىلشىسى.
«بولجامدى ەنەرگەتيكالىق تەڭگەرىم 2023-جىلعا قاراي قۋاتى 2400 مەگاۆاتقا دەيىنگى اتوم ەلەكتر ستانساسىن سالۋ قاجەتتىگىن كورسەتتى. ءبىزدىڭ قور ۇكىمەتتىڭ باسشىلىعىمەن اتالعان جوبانى ىسكە اسىرۋعا كىرىستى. بۇل باعىتتاعى جۇمىس تۋرالى مۇددەلى تۇلعالار، جۋرناليستەر جانە قوعام الدىندا بايانداپ وتىراتىن بولامىز»، - دەدى الماسادام ساتقاليەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق، قور باسشىسى قايىرىمدىلىق باعدارلاما تۋرالى ايتتى.
«مەملەكەت باسشىسى قور پايداسىنىڭ %7 «قازاقستان حالقىنا» قورىنا جىبەرىلەتىنىن ايتتى. 2018-جىلدان باستاپ قور اكسيالارىنىڭ مەملەكەتتىك پاكەتىندە ديۆيدەندتەر 13 ەسە ءوستى. بيىل اتالعان كورسەتكىش 170 ميلليارد تەڭگە بولادى. سونىمەن قاتار، شامامەن 183 ميلليارد تەڭگە قايىرىمدىلىققا جانە اكسيونەرلەردىڭ پايداسىنا وزگە دە بولۋگە باعىتتالادى. قوردىڭ قايىرىمدىلىق باعدارلاماسى بار. ول جۇمىس «سامۇرىق-قازىنا تراست» كومپانياسى تاراپىنان جۇزەگە اسىرىلادى»، - دەيدى ول.
