نۇر-سۇلتانعا جىلۋ قاشان بەرىلەدى؟
«ەلوردادا جىلۋ بەرۋ ماۋسىمى ورتاشا تاۋلىكتىك تەمپەراتۋرا بەس كۇن بويى پليۋس ون گرادۋستان تومەن بولعاندا باستالادى. بۇگىندە الداعى جىلۋ بەرۋ ماۋسىمىنا دايىندىق جوسپارلى تۇردە جۇرگىزىلىپ جاتىر. ەلەكتر قوسالقى ستانسالارىنا جوندەۋ جۇمىستارى اياقتالدى، بارلىق سۋ قۇبىرى جانە كاناليزاتسيا جەلىلەرى دايىن»، - دەدى وتىن- ەنەرگەتيكا كەشەنى جانە كوممۋنالدىق شارۋاشىلىق باسقارماسى باسشىسىنىڭ ورىنباسارى باعدات بايسادىقوۆ.
ونىڭ ايتۋىنشا، جىلۋ جانە ەلەكتر جەلىلەرى نىساندارىن كۇردەلى جوندەۋ قىركۇيەكتىڭ سوڭىنا دەيىن، ال ءبىلىم جانە دەنساۋلىق ساقتاۋ نىساندارىن دايىنداۋدى 23-قىركۇيەككە دەيىن اياقتاۋ جوسپارلانىپ جاتىر.
تۇرعىن ءۇي قورىنىڭ جىلۋدى قوسۋعا دايىندىعى بۇگىندە 85 پايىز.
«قۇرىلىسى اياقتالماعان ۇيلەردىڭ تۇرعىندارىنا ءوتىنىش بىلدىرگىم كەلەدى. ۇيلەرىڭىزدى جىلۋ ماۋسىمىنا دايىنداۋعا بەلسەنە اتسالىسىڭىزدار، مەنشىك يەسى نەمەسە جالعا الۋشى بولساڭىزدار دا، جالپى جينالىستارعا قاتىسۋلارىڭىزدى سۇرايمىن»، - دەپ سۇرادى بايسادىقوۆ.
