ريم پاپاسى قازاقستانعا ءارى قاراي دا باۋىرلاستىق پەن تۇسىنىستىكتە ءومىر ءسۇرۋ ءۇشىن نە قاجەت ەكەنىن ايتتى
ول ءوز سوزىندە قازاقستانعا ءارى قاراي دا باۋىرلاستىق پەن تۇسىنىستىكتە ءومىر ءسۇرۋ ءۇشىن نە قاجەت ەكەنىن ايتتى، دەپ حابارلايدى قازاقپارات ءتىلشىسى.
مەسسا ءراسىمىنىڭ بارىسىندا ريم پاپاسى قازاقستاندىقتاردى ءوز تاريحىن سانادا قاستەرلەپ ۇستاۋعا شاقىردى.
«بۇل جەردىڭ تاريحى دا ءتۇرلى اۋىرتپالىقتان كەندە ەمەس. مەن زورلىق-زومبىلىقتىڭ ءابجىلاندارى تۋرالى، اتەيستىك قۋدالاۋلار تۋرالى، حالىقتىڭ ەركىندىگىنە قاتەر تونگەن تىنىشسىز جول تۋرالى ويلايمىن.
بىزگە باسىمىزدان وتكەرگەن قايعى-قاسىرەتتى ەستە ساقتاۋ پايدالى: ءبىز ءوز جادىمىزدان كەيبىر بەيمالىم دۇنيەلەردى سىزىپ تاستاماۋىمىز كەرەك. ايتپەسە ءبىز ولاردى اعىپ وتكەن. ءبىراق كەيىن كەرى اقپايتىن سۋ دەپ سەنىپ قالۋىمىز مۇمكىن»، - دەدى كاتوليك شىركەۋىنىڭ باسشىسى.
ونىڭ ايتۋىنشا، ەلدى بەيبىتشىلىكتە ۇستاپ تۇرۋ ءۇشىن كۇن سايىن سونىڭ جولىندا ۇزدىكسىز جۇمىس ىستەۋ كەرەك.
«بەيبىتشىلىكپەن ماڭگىلىككە قامسىزدانۋ مۇمكىن ەمەس. ونى ءتۇرلى ەتنيكالىق توپتار مەن ءدىني داستۇرلەردىڭ تىرشىلىك ەتۋى، تۇتاستىقتا دامۋ جانە الەۋمەتتىك ادىلەتتىلىك سياقتى كۇن سايىن شىڭداپ وتىرۋ قاجەت.
ال قازاقستان باۋىرلاستىق پەن ديالوگتا، تۇسىنىستىكتە بۇدان دا جاقسى دامۋى ءۇشىن، وزگە حالىقتارمەن ىنتىماقتى ارىپتەستىك كوپىرىن ورناتۋ ءۇشىن جالپىعا ورتاق كۇش سالۋ كەرەك»، - دەدى ريم پاپاسى فرانتسيك.
سىرتقى ىستەر مينيسترلىگىنىڭ مالىمەتى بويىنشا ءىس-شارا وتەتىن اۋماققا قازىرگى تاڭدا 7 مىڭنان استام ادام جينالعان.
ءىس-شارانى ۇيىمداستىرۋشىلاردىڭ ايتۋىنشا، مەسسا ءوتىپ جاتقان اۋماق 10 مىڭ ادامعا شاقتالعان.
ونىڭ باسىم بولىگى ورتالىق ازيا مەن وزگە دە تاياۋ ەلدەردىڭ ءدىندارلارىنا ارنالىپ وتىر.
شارا ەلوردانىڭ EXPO حالىقارالىق كورمە ورتالىعىنىڭ اۋماعىندا ءوتتى.
رەسەيلىك ءدىن قىزمەكتەرى ءپىرادار يۆان اتالمىش شارانى تاريحي ماڭىزى بار وقيعا دەپ اتادى.
قاراعاندى وبلىسىنان مەسساعا 350 دەن استام كاتوليك ارنايى كەلگەن.
