قازاقستانعا كەلىپ ريم پاپاسىمەن كەزدەسە الاتىنىمىز كوڭىل قۋانتادى - رەسەيلىك ءدىن قىزمەتكەرى
«بۇل شاراعا جالعىز كەلدىم. مەن رەسەيدەگى گرەك-كاتوليكتەردىڭ وردەنارياتىنىڭ وكىلىمىن. ريم پاپاسىنىڭ ارنايى كەلىپ، دىندەستەرىمەن كەزدەسۋى ءارقاشان ماڭىزدى تاريحي وقيعا بولىپ ەسەپتەلەدى. پاپانىڭ رەسەيگە كەلە المايتىنى وكىنىشتى. ءبىراق بۇل قازاقستانعا كەلىپ تۇرعان ءبىرىنشى ريم پاپاسى ەمەس ەكەنىن بىلەمىز. قايتا قازاقستانعا كەلىپ ريم پاپاسىمەن كەزدەسە الاتىنىمىز كوڭىل قۋانتادى»، - دەدى پىرادار يۆان.
رەسەيلىك مەيمان استاناداعى اۋا رايىنىڭ مەسساعا كەلۋشىلەر ءۇشىن جايلى بولىپ تۇرعانىن اتادى.
«قازاقستانعا ءجيى كەلىپ تۇرامىن، جالپى. بۇگىن استاناداعى كۇن رايىنىڭ جايماشۋاق بولىپ تۇرۋىن ادام تىلىمەن ايتساق، سايكەستىك دەۋگە بولاتىن شىعار. ال قۇداي نانىمىمەن ايتساق، جاراتۋشىنىڭ قۇدىرەتى دەپ تۇسىندىرۋگە بولادى.
ريم پاپاسى بولعان ءتۇرلى كەزدەسۋلەردە، ءتۇرلى ەلدەردە بولدىم. ول كەلگەن كەزدە جەرگىلىكتى كۇن رايى تۇبەگەيلى وزگەرەدى. ەسىمدە 40 گرادۋس اپتاپ كەزىندە ريم پاپاسىنىڭ ءدىني قىزمەت جاساعانى ەسىمدە قالىپتى. دۇعا باستالعان كەزدە اسپاندى بۇل تورلاپ، كۇن رايى سالقىنداپ شىعا كەلگەن بولاتىن»، - دەدى ءدىني قىزمەتكەر.
ايتا كەتۋ كەرەك، ەكى كۇنگە سوزىلاتىن سەزگە 50 ەلدەن 100 دەن استام دەلەگاتسيا، ونىڭ ىشىندە يسلام، حريستيان، بۋدديزم، يۋدايزم، يندۋيزم، داوسيزم، زورواستريزم، سينتويزم دىندەرىنىڭ وكىلدەرى، سونداي-اق ساياساتكەرلەر مەن قوعام قايراتكەرلەرى، حالىقارالىق ۇيىم مۇشەلەرى كەلگەن.
ءدىني فورۋمعا ارنايى قوناق ريم پاپاسى فرانتسيسكتەن بولەك ءال-ازحاردىڭ جوعارعى يمامى احمەد موحاممەد احمەد ات-تايەب، يەرۋساليم پاتريارحى III تەوفيل، اشكەنازدىڭ باس راۆۆينى داۆيد لاۋ، ءيزرايلدىڭ باس سەفارد راۆۆينى يتسحاك يوسيف جانە باسقا دا ءدىني جەتەكشىلەر، ءبىرقاتار حالىقارالىق ۇيىمنىڭ وكىلدەرى قاتىسادى.
كەشە كەشكە پرەزيدەنت قاسىم-جومارت توقايەۆ سەزدىڭ ارنايى قوناعى ريم پاپاسى فرانتسيسكتى ەلوردا اۋەجايىنان كۇتىپ الدى.
كەيىننەن قازاقستان پرەزيدەنتى مەن ريم پاپاسى ازاماتتىق قوعام جانە ديپلوماتيالىق كورپۋس وكىلدەرىمەن كەزدەستى.
كەزدەسۋدە كاتوليك شىركەۋىنىڭ باسشىسى قازاقستاننىڭ ءولىم جازاسىنان باس تارتقانىنا جوعارى باعا بەرىپ، قازاقستان كونستيتۋتسياسىنىڭ نانىم-سەنىم بوستاندىعىنىڭ كەپىلى ەكەنىن اتادى.
ءدىن كوشباسشىسى فرانتسيسكتىڭ ەلىمىزگە مەملەكەتتىك ساپارى ريم پاپاسى يوانن II پاۆەل قازاقستانعا 2001-جىلى كەلگەننەن كەيىن العاش رەت ءوتىپ جاتىر. بۇگىن ول ەلوردادا مەسسا وتكىزەدى. وعان 3 مىڭعا جۋىق ادام قاتىسپاق.
