الماتى وبلىسىنداعى جەر سىلكىنىسىنە بايلانىستى ت ج د ەسكەرتۋ جاسادى

سوڭعى جەر ءدۇمپۋى 13-قىركۇيەك كۇنى الماتى ۋاقىتىمەن 21 ساعات 54 مينۋتتا بولعان.

«ءزىلزالا وشاعى الماتىدان شىعىسقا قاراي 89 شاقىرىم قاشىقتىقتا، الماتى وبلىسىنىڭ ەڭبەكشى قازاق اۋدانى اۋماعىنداعى قاراتۇرىق اۋىلدىنان شامامەن 30 شاقىرىم جەردە ورنالاسقان. ەنەرگەتيكالىق كلاسى - 7.4. MVP ماگنيتۋداسى - 3.7. باعىتى - 43.42° س. ە. 77.96° ش. ب. تەرەڭدىگى - 25 شاقىرىم. سەزىلگەنى جايلى مالىمەت جوق»، - دەلىنگەن حابارلامادا.

وسىعان بايلانىستى الماتى وبلىسى ت ج دەپارتامەنتى جەرگىلىكتى اتقارۋشى ورگاندارعا، پوليتسيا دەپارتامەنتىنە، قازسەلدەنقورعاۋ دەپارتامەنتىنە، پروكۋراتۋراعا جانە باسقا دا ۇيىمدارعا شۇعىل حابارلاپ، اقپارات جينادى.

سەنىپ تاپسىرىلعان اۋماقتا جاعداي ناقتىلانىپ جاتىر، ءۇي قيراعانى نەمەسە ادام شىعىنى جايلى مالىمەت تۇسكەن جوق.

ت ج د جەر سىلكىنىسى كەزىندە نە ىستەۋ كەرەكتىگىن ەسكە سالادى:

- عيماراتتان شىعىڭىز (سىزدە 15-20 سەكۋند قانا ۋاقىت بار)؛

- ەگەر جوعارعى قاباتتا بولساڭىز، كىرەتىن ەسىكتىڭ ساڭىلاۋىنا نەمەسە بالالاردى قۇشاقتاپ، نەگىزگى قابىرعالاردىڭ بۇرىشىنا بارىپ تۇرىڭىز؛

- ەشقانداي جاعدايدا تەرەزە جانىنا بارماڭىز جانە بالكوننان سەكىرمەڭىز.

- عيماراتتاردان، قۇرىلىستان، باعانالار مەن قورشاۋلاردان الىسىراق تۇرىڭىز؛

- ۇيگە كىرمەڭىز: دۇمپۋلەر قايتالانۋى مۇمكىن؛

- ليفت پايدالانباڭىز؛

- سىرىڭكە، شام جاقپاڭىز:

- سىمدى ۇستاماڭىز؛

- زارداپ شەككەندەرگە العاشقى كومەك كورسەتىڭىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى