ريم پاپاسى فرانسيسكتىڭ قازاقستانعا مەملەكەتتىك ساپارىنىڭ ۆيدەوسى جاريالاندى

ەسكە سالا كەتەيىك، بۇگىن ريم پاپاسىنىڭ اۋە بورتى قازاقستان اۋەجايىنا قوندى. قاسىم-جومارت توقايەۆ قۇرمەتت قوناقتى كۇتىپ الدى.

كەيىننەن قازاقستان پرەزيدەنتى مەن ريم پاپاسى فرانسيسك اقوردادا ەكىجاقتى كەزدەسۋ وتكىزدى.

قاسىم- جومارت توقايەۆ قۇرمەتتى قوناققا زور ءىلتيپات ءبىلدىرىپ، الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىسۋ تۋرالى شاقىرۋدى قابىل العانى ءۇشىن ريم پاپاسىنا العىس ايتتى.

كەشكىسىن ق ر پرەزيدەنتى مەن ريم پاپاسى فرانسيسك ازاماتتىق قوعام جانە ديپلوماتيالىق كورپۋس وكىلدەرىمەن كەزدەستى.

ريم پاپاسى فرانتسيسك ەجەلگى قازاق جەرىنە جاساعان اپوستولدىق ساپارىنا كوڭىلى تولاتىنىن جەتكىزدى.

پونتيفيكتىڭ ايتۋىنشا، ول مۇندا ديالوگ پەن بىرلىك ىزدەۋ ماقساتىمەن بەيبىتشىلىكتىڭ ەلشىسى رەتىندە كەلگەن.

- سىزدەردە «بەرەكە باسى - بىرلىكتە» دەگەن ماتەل بار. بۇل بارلىق جەردە، اسىرەسە وسى جەردە ماڭىزدى ۇعىم ەكەنى ءسوزسىز. ەلدە 150-گە جۋىق ەتنيكالىق توپ پەن سەكسەننەن استام ءتىل بار. ءارتۇرلى تاريحى، مادەني جانە ءدىني داستۇرلەرى بار بۇل حالىقتار بىرلەسە، ادام ايتسا نانعىسىز ىنتىماقتاستىق ورناتقان. سونداي- اق قازاقستاندى كوپۇلتتى، مۋلتيمادەنيەتتى، كوپكونفەسسيالى بىرەگەي مەكەنگە اينالدىردى جانە بۇل مەملەكەتتىڭ كەزدەسۋلەر ەلى دەگەن ەرەكشە اتىنا ساي كەلەدى، - دەدى پونتيفيك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى