ريم پاپاسى قازاقستان كونستيتۋتسياسىنىڭ نانىم-سەنىم بوستاندىعىنىڭ كەپىلى ەكەنىن اتادى
«جەرگىلىكتى حالىق دانالىعى «ىرىس باسى - ىنتىماق» ەكەنىن ايتادى. بۇل بۇكىل جەردە، ءسوزسىز، ماڭىزدى ماسەلە. ءبىراق مۇندا ول ءسوزدىڭ ءمانى تىپتەن ەرەكشە. ەلدەرىڭىزدە شامامەن 150 گە جۋىق ەتنيكالىق توپ پەن سەكسەننەن استام ءتىل كەزدەسەدى. بۇل - تاريحى، مادەني جانە ءدىني ءداستۇرى الۋان ءتۇرلى، بارشاسى بىرىگىپ تەڭدەسسىز سيمفونيا تۇزەتىن، قازاقستاندى كوپۇلتتى، مۋلتيمادەنيەتتى، كوپدىندى بىرەگەي زەرتحانا ەتىپ تۇرعان حالىقتار. وسى قىرى قازاقستانعا تابىسۋ ەلى ەتۋگە ۇندەيدى»، - دەدى ول ەلوردادا وتكەن كەزدەسۋدە.
سونداي-اق، ول قازاقستانعا كەلگەن ساپارىنىڭ ماقساتىنا توقتالدى.
«مەن بۇل جەرگە دىندەردىڭ وسى اسپەكتىگە قوسار ۇلەسىنىڭ ماڭىزدىلىعىنا نازار اۋدارتۋ ءۇشىن كەلىپ وتىرمىن. وسىعان بايلانىستى الەمدىك جانە ءداستۇرلى ءدىن كوشباسشىلارىنىڭ VII سەزىنە قاتىسۋ قۇرمەتىنە يە بولدىم.
ايتپاقشى، قازاقستاننىڭ كونستيتۋتسياسى بۇل ەلدىڭ زايىرلى مەملەكەت ەكەنىن ايقىنداپ تۇر. سول ارقىلى ءدىن مەن سەنىم-نانىمنىڭ ەركىندىگىنە كەپىلدىك بەرىلگەن. بۇل زايىرلىلىقتىڭ سالاۋاتتى سيپاتى ەكسترەميزمگە قارسى توسقاۋىل بولا الاتىندىعىمەن قۇندى. ءار ازاماتتىڭ تەڭدىگى ءۇشىن قاجەتتى ەڭ نەگىزگى جاعدايدى جاساعان»، - دەدى ريم پاپاسى فرانتسيسك.
