ريم پاپاسىنىڭ ەرتەڭگى دىندەر سەزىنە قاتىسۋى شارانىڭ تابىستى ءوتۋىن قامتاماسىز ەتەدى - پرەزيدەنت
ق ر پرەزيدەنتى قاسىم-جومارت توقايەۆ كەزدەسۋ بارىسىندا وسىلاي ءمالىم ەتتى، دەپ حابارلايدى قازاقپارات ءتىلشىسى.
«العاش سەز وتكەن 2003-جىلدان بەرى فورۋم ادامداردىڭ ءتۇرلى بولىنىستەرگە قاراماستان ءبىر يدەياعا بىرىگە الاتىنىنىڭ جارقىن مىسالى بولىپ كەلەدى. تەك ديالوگ ارقىلى عانا، ادامي باۋىرلاستىق ارقىلى عانا ءتوزىم مەن جەر بەتىندە جاساۋدىڭ مۇمكىن ەكەنىنە كامىل سەنەمىن»، - دەگەن مەملەكەت باسشىسى اتالمىش ءداستۇرلى شارانىڭ جۇمىسىن ريم پاپاسى ينستيتۋتىنىڭ ءاردايىم قولداپ كەلە جاتقانىن اتاپ ءوتتى.
«وسىعان بايلانىستى قاسيەتتى ءدىني ينستيتۋتتىڭ سەز قىزمەتىنە كۇشتى ءارى جان-جاقتى قولداۋ ءبىلدىرىپ كەلە جاتقانىنا جوعارى باعا بەرگىم كەلەدى. مەن، ءسىزدىڭ ەرتەڭگى سەز وتىرىسىنا تىكەلەي قاتىسۋىڭىز قازاقستانداعى جانە الەمدەگى كاتوليكتەردىڭ جۇرەگىن شەكسىز باقىتقا بولەپ، شارانىڭ تابىستى ءوتۋىن قامتاماسىز ەتەتىنىنە سەنىمدىمىن»، - دەدى پرەزيدەنت ريم پاپاسىنا.
