نۇر- سۇلتان پوليتسياسى كۇشەيتىلگەن رەجيمدە جۇمىس ىستەپ جاتىر
ەلوردا جولدارىنداعى قوعامدىق ءتارتىپ پەن جول قاۋىپسىزدىگىن ءتيىستى قامتاماسىز ەتۋ، سونداي-اق الەمدىك جانە ءداستۇرلى دىندەر كوشباسشىلارىنىڭ VII سەزى كەزەڭىندە قۇقىق بۇزۋشىلىقتاردىڭ دەر كەزىندە الدىن الۋ جانە جولىن كەسۋ ماقساتىندا ەلوردالىق پوليتسيانىڭ جەكە قۇرامى 13- قىركۇيەكتەن باستاپ كۇشەيتىلگەن قىزمەت تۇرىنە اۋىستىرىلدى.
قالاعا الەمنىڭ تۇكپىر-تۇكپىرىنەن كوپتەگەن قوناقتاردىڭ كەلۋىنە بايلانىستى قوعامدىق ورىنداردا، كوشەلەردە، سونداي-اق مادەني-بۇقارالىق ءىس-شارالار وتكىزىلەتىن ورىنداردا قوسىمشا قاۋىپسىزدىك شارالارى قابىلداندى.
«ەلورداعا ريم پاپاسى كەلدى. دەلەگاتسيا ەكسكورت موتوتسيكلشىلەرمەن بىرگە جۇرەتىندىكتەن، رەسمي قورعالاتىن كولوننانىڭ ءوتۋ كەزەڭىندە قوزعالىس 3-5 مينۋتقا شەكتەلەدى. نەگىزىنەن، بۇل قابانباي باتىر داڭعىلى، ماڭگىلىك ەل جانە قونايەۆ داڭعىلى»، - دەدى قالالىق پ د اكىمشىلىك پوليتسيا باسقارماسىنىڭ باستىعى ەلجان چۋپەكوۆ.
14- قىركۇيەك كۇنى وتەتىن «مەسساعا» قاتىسۋشىلاردىڭ ەرىكتىلەرىمەن جانە الىپ جۇرۋشىلەرمەن بىرگە ءجۇرىپ-تۇرۋى ءۇشىن ارنايى اۆتوبۋستار ۇيىمداستىرىلدى. سونىمەن قاتار ەلورداعا مەملەكەتتىك ساپارمەن قىتاي حالىق رەسپۋبليكاسىنىڭ ءتوراعاسى شي جينپيڭ كەلەدى.
دەلەگاتسيا ەكسكورت موتوتسيكلدەرىنە ىلەسىپ جۇرەدى. نۇر-سۇلتان قالاسىنىڭ پوليتسيا دەپارتامەنتى تۇرعىنداردان وتكىزىلەتىن ءىس-شارالارعا تۇسىنىستىكپەن قاراپ، قوعامدىق ءتارتىپتى ساقتاۋدى سۇرايدى.
